.

Alternative flash content

Requirements

Get Adobe Flash player

Материалы отфильтрованы по дате: Душанбе, 27 Август 2018 - || ФАРАЖ

Дар ҳафт моҳи соли равон аз бозору фурӯшгоҳҳои вилояти Хатлон 22 тоннаву 217 кг маводҳои пастсифат ва муҳлати истифодабариашон гузашта, аз ҷумла 4 ҳазор дона тухм, 1 ҳазору 255 кг гӯшт ва 158 кг ҳасиб, ки арзиши онҳо 251 ҳазор сомониро ташкил медод, аз муомилот гирифта шуданд.

Директори Маркази назорати давлатӣ, санитариву эпидимиологии вилояти Хатлон Файзалӣ Бобоҷонов хабар дод, ки дар ҳафт моҳи соли равон аз тарафи мутахассисони марказ дар бозору фурӯшгоҳҳои вилоят 7 ҳазору 906 санҷиш гузаронида шуда, нисбати 2210 нафар соҳибкор протоколи ҳуқуқвайронкунии маъмурӣ тартиб дода шуда, ба маблағи 230 ҳазору 250 сомонӣ ҷарима шудаанд.

Манбаъ гуфт, фаъолияти 522 иншоот бо сабабҳои ҷавобгӯ набудан ба талаботи санитариву гигиенӣ мувақатан боз дошта шуда, 170 маводи дигар ба мақомоти ҳифзи ҳуқуқ фиристода шуданд.

“Кормандони Маркази назорати давлатӣ, санитариву эпидимиологии вилояти Хатлон корро дар ин самт ҷоннок намуда, соҳибкороне, ки маводҳои қалбакиву пастсифатро ба фурӯш мебароранд, ба ҷавобгарии маъмурӣ кашида, ҷарима ҳоҳанд кард”, - гуфт Файзалӣ Бобоҷонов.                                           

Раҳмоналӣ  Додархӯҷа

Шумо дар Хабари рӯз

Варзишгарони вилояти Хатлон дар 7 моҳи соли равон аз мусобиқаҳои ҷумҳуриявӣ ва байналмилалӣ ба вилоят беш аз 1 ҳазору 50 медал ба даст оварданд, ки ин нисбати ҳамин давари соли гузашта 50 медал зиёд аст.

Зимни тасдиқи ин хабар мудири бахши варзиши Раёсати ҷавонон ва варзиши вилояти Хатлон Алишер Гулов гуфт, ки дар 7 моҳи соли равон варзишгарони вилояти Хатлон дар 48 мусобиқаи варзишии сатҳи ҷумҳуриявӣ иштирок намуда, сазовори 277 медали тилло, 314 медали нуқра ва 402 медали биринҷӣ гардиданд.

Манбаъ афзуд, ки  ба ҷуз ин дар ин давра варзишгарони вилояти Хатлон дар мусобиқаҳои байналмилалӣ ширкат намуда, соҳиби 29 медали тилло 15 нуқра ва 12 биринҷӣ шудаанд.

Ӯ гуфт дар ҳашт моҳи соли равон дар ҳудуди вилоят 19 майдончаи варзишӣ, 4 толори варзишӣ ва як маҷмаии варзишӣ сохта мавриди истифода қарор дода шудаанд. Гуфта мешавад, то ҷашни 30-солагии Истиқлолияти давлатии кишвар бояд дар ҳудуди вилояти Хатлон 27 толори варзишӣ, 113 майдончаи варзишӣ ва 18 майдончаи кӯдакона аз ҳисоби ҳама сарчашмаҳои даромад сохта ба истифода дода шаванд.

Алишер Гулов афзуд: “Ин ҳама дастовардҳои варзишгарон аз рушд ёфтани соҳаи варзиш дар вилояти Хатлон дарак медиҳад, зеро рӯз аз рӯз маблағгузорӣ ба ин соҳа афзоиш меёбад”.

Шумо дар Хабари рӯз
Душанбе, 27 Август 2018 10:15

Бозиҳои Осиё-2018 идома доранд

Бозиҳои тобистонаи Осиё, ки 18 август дар шаҳрҳои Ҷакарта ва Палембанги Индонезия шурӯъ гардид, идома дорад. То имрӯз мусобиқаҳо оид ба гуштии варзишӣ, шиноварӣ, тӯббозӣ дар об, софтбол, баскетбол 3х3, шамшербозӣ, ҷиуҷитсу, голф, ҷетскӣ, қайиқронии академӣ, тирандозӣ, теннис ва ушу ба анҷом расиданд. Варзишгарони мо дар намудҳои гуштӣ, шиноварӣ, ҷиуҷитсу, тирандозӣ ва ушу иштирок карданд, вале аз медалҳо бенасиб монданд.

Варзишгарони тоҷик рӯзҳои баъдӣ рақобатро дар намудҳои дзюдо, кураш, самбо, қайиқронӣ дар байдарка ва каноэ, бокс идома медиҳанд, ки умед аст соҳиби медалҳо мешаванд.

Дар ҷадвали ҳисоби медалҳо дастаи мунтахаби Чин бо 178 медал (78 тилло, 59 нуқра, 37 биринҷӣ) пешсаф аст. Ҷопон бо 123 медал (40-34-49) дар ҷои дуюм, Кореяи Ҷанубӣ бо 94 медал (27-30-37) дар ҷои сеюм қарор доранд. Умуман варзишгарони 35 кишвар ба гирифтани медалҳои бозиҳо шарафёб шудаанд ва варзишгарони 28 давлат ба унвони қаҳрамонӣ даст ёфтаанд. Тоҷикистон бо як медали нуқра дар ҷои 32-юм қарор дорад.

Шумо дар Хабари рӯз

Варзишгари маъруфи кишвар Дилшод Назаров шоми дирӯз дар мусобиқаи гурзандозӣ дар доираи Бозиҳои Осиё-2018 сазовори медали нуқра гардид. Дар ин бора аз Кумитаи миллии олимпии кишвар хабар доданд.

Дар мусобиқа 14 варзишгар барои медалҳо талош карданд. Дилшод Назаров гурзро ба масофаи 74,16 метр партофта, ҷои дуюмро ишғол кард. Мақоми якум бо натиҷаи 76,88 метр насиби варзишгари Қатар Ашраф Ал Сайфӣ шуд. Ҷои сеюмро варзишгари тоҷиктабори Узбекистон Суҳроб Хоҷаев бо натиҷаи 74,06 ба даст овард.

Дилшод Назаров се маротиба қаҳрамони Бозиҳои Осиё шудааст. Ӯ соли 2006 дар Доҳаи Қатар, соли 2010 дар Гуанжоуи Чин ва соли 2014 дар Инчони Корея сазовори медали тиллои бозиҳо гардидааст.

Шумо дар Слайд
саҳ 2 аз 3

Хабари рӯз

Календар

« Август 2018 »
Пн Вт Ср Чт Пт Сб Вс
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Минбари сардабир

  • симКАРта

    Дар ҳафтае, ки гузашт, дар шабакаҳои иҷтимоӣ ин калима аз…

Нигоҳи хос

  • Чаро бояд китоб хонд?

    Инсон дар таърих ду кашфиёти бузург дорад: яке ҳунари ноширӣ,…
  • зодРӮЗ

    Андӯҳи ту, ки хуршедро падруд мегӯяд, ба андозаи ҳасрати як…

Парадокс

Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ...
Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ба ...
Гуфтед? Мегӯянд! (№3
Бег САБУР, раиси Хадамоти алоқа:- Ман қарорамро бекор накардаам.Танз: Офарин ба Шумо, оғои Бег ...
Гуфтед? Мегӯянд! (№2
Аскар ҲАКИМ, Шоири халқии Тоҷикистон:- Дар замони шӯравӣ мо асареро пайдо намекунем, ки дар ...
Гуфтед? Мегӯянд! (№1
Абдуалим ИСМОИЛЗОДА, раиси шаҳри Қӯрғонтеппа Хонандаи беҳтарин- Кӯшиш мекунам ҳар рӯз лоақал ...

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.