.

Alternative flash content

Requirements

Get Adobe Flash player

Материалы отфильтрованы по дате: Ҷумъа, 10 Август 2018 - || ФАРАЖ

Духтари 22-солае аз уҳдаи идораи воситаи нақлиёт набаромадааст ва ин боиси ба садама дучор шудани мошин шудааст, ки дар натиҷа ду духтари дигари 22-солаи савори ин мошин дар об ғарқ шудаанд. Дар ин бора маркази матбуоти ВКД хабар дод.

9-уми августи соли 2018, тахминан соати 18:30, автомашинаи тамғаи “Чанху”, ронандааш Сулаймонов Фирӯз Исломбекович, соли таваллудаш 1996, сокини деҳаи Хосаи ноҳияи Шуғнон, ҳангоми дар назди деҳаи Ёмҷ қарор доштанаш ба садами нохуш дучор шудааст. Бандишоева Фарзия Ёрабшоевна, соли таваллудаш 1996, сокини деҳаи Миденшор ба дохили автомашина даромада, муҳаррики автомашинаро ба кор дароварда, аз ӯҳдаи идораи воситаи нақлиёт набаромадаааст. Дар натиҷа мошин ба даруни ҳавзи об чаппа шудааст. Мусофирони мошин Охонова Махфират Зубаҳировна, соли таваллудаш 1996 ва Ҷаннатшоева Азиза Маснавшоевна, соли таваллудаш 1996, сокинони ноҳияи Ишкошим дар об ғарқ шуда, ба ҳалокат расидаанд.

Ин ҳодиса мавриди таҳқиқ қарор дорад.

Шумо дар Хабари-рӯз

Баъд аз зуҳри 9-уми август толори Академияи васоити ахбори оммаи Тоҷикистон пур аз рӯзноманигорони радио, телевизион ва матбуоти даврии давлатию ғайридавлатии кишвар шуд. Онҳо бесаброна ҳамкасбони меҳмони худ аз Ҷумҳурии ҳамсояи Узбекистонро, ки давоми 4 рӯз дар мамлакат меҳмонанд,  интизорӣ мекашиданд. Соати 17: 15 дақиқа. Меҳмонон вориди толор гардиданд. Ҳамкасбони тоҷикистонӣ эшонро бо кафкӯбиҳои пурмавҷу самимӣ пешвоз гирифтанд.

Раиси Академияи ВАО-и Тоҷикистон Зиннатулло Исмоилзода ва муовини раиси Кумитаи радио ва телевизиони кишвар Суҳроб Ализода меҳмононро бо самимияти беандоза хайрамақдам гуфта, рушди муносибот ва ҳамкориҳои судманди кормандони соҳаи матбуоти кишварҳоро ба нафъи мардумони ҳарду давлат арзёбӣ карданд.

Суҳроб Ализода гармии толорро ҳамчун гармии қалби ҳозирин маънидод намуда иброз дошт, ки ин вохӯрӣ бешак бо шарофати дӯстии сарони ҳарду давлат муҳтарам Эмомалӣ Раҳмон ва Шавкат Мирзиёев ба рӯзноманигорон насиб гардидааст. Номбурда бо боварӣ қайд намуд, ки ин сафар дар хотири меҳмонон ҷовидонӣ нақш хоҳад баст ва рушди босуботи давлатҳо, равобити ҳасанаи мардумони кишвар боз ҳам густариш хоҳад ёфт.  

Меҳмонон дар навбати худ аз сафари корӣ ба кишвар ва суҳбату вохӯриҳо бо мардумони тоҷику узбектабори Тоҷикистон ибрози қаноатмандӣ намуда, гуфтанд, ки эшон барномаҳои телевизионҳои Тоҷикистон, аз ҷумла «Субҳ»-ро тамошо мекунанд ва аз он лаззат мебаранд.

Шоир, профессори Донишгоҳи давлатии Самарқанд Ҷумъа Ҳамроев аз таҳияи барномаҳои хуби телевизионӣ ва таъсис телевизионҳои нав, аз қабили «Шаҳнавоз» дар Тоҷикистон изҳори хушҳолӣ намуд, вале номбурда аз пахши аз ҳад зиёди реклама дар телевизион нигаронӣ кард. Бино ба гуфтаи профессор, қатор ба қатор мондани реклама дар телевизионҳои Тоҷикистон тамошобинро озурда ва барномаро дилбазан мегардонад.

Дар фарҷоми чорабинӣ ба меҳмонон туҳфаҳои хотиравии аз ҷониби Кумитаи радио ва телевизиони Тоҷикистон таҳиянамуда супурда шуданд. Ҳамчунин, рӯзноманигорони тоҷику ӯзбек фурсат пайдо карданд, то оиди дастоварду камбудиҳои соҳа суҳбатҳои судманд анҷом диҳанд.

Дар ин чорабинӣ ходимони фарҳанг ва хабарнигорони Ҷумҳурии Узбекистон- шабакаи телевизионии Узбекистон, раиси Маркази фарҳангии миллии тоҷикони Узбекистон-«Ориёно» Шарофат Эрматова,  Муовини сармуҳаррии рӯзномаи «Овози тоҷик»Тоҷибой Икромов, Шоир, профессори Донишгоҳи давлатии Самарқанд Ҷумъа Ҳамроев, Муҳаррир ва муассиси рӯзномаи «Ховар» (вилояти Сурхандарё) Олим Ҷумақулов, Мудири шуъбаи итиллоотии байналмиллалии «Узбекистон 24» Шарофиддин Тулеганов, Мудири шуъбаи Агентии миллии иттилоотии Узбекистон Нурулло Насриев, хабарнигори Агентии иттилоотии «УзРепорт» Абдулло Буврабаев, наворбардори Агентии иттилоотии «УзРепорт» Суҳроб Ҷӯраев, Муҳарррири рӯзномаи «Халқ сузи» Шойим Бутаев, корманди рӯзномаи «Народное слово» Машкура Зоҳидова, хабарнигори шабакаи телевизионии «Узбекистон 24» Зебо Тухтаева ва хабарнигори шабакаи телевизионии «Узбекистон 24» Ҷамол Маҳмудов иштирок доштанд.

Ёдовар мешавем, ки аз 7-ум то 11-уми август гуруҳи калони ходимони фарҳанги Ҷумҳурии Узбекистон бо сафари корӣ дар Тоҷикистон қарор доранд. Ҳадаф аз сафари меҳмонон омодасозии маводҳо дар арафаи сафари давлатии Президенти Тоҷикистон муҳтарам Эмомалӣ Раҳмон ба Узбекистон, рушди муносиботи байнидавлатӣ, тарғиби анъанаҳои миллии халқҳо, шиносоӣ бо шароити зисту зиндагии мардуми тоҷику узбек дар манотиқи Суғду Хатлон ва шаҳри Душанбе гуфта мешавад. 

Шумо дар Слайд

Агентии обуҳавошиносии Тоҷикистон хабар медиҳад, ки имрӯз дар ҷумҳурӣ ҳаво камабри тағйирёбанда шуда, муътадил боқӣ мемонад. Дамои он шабона 20-25 ва рӯзона 36-40 дараҷа гарм хоҳад шуд.

Имрӯз дар вилояти Суғд ҳаво қисман абрноки тағйирёбанда шуда, дар водиҳо шабона +20+25 ва рӯзона +36+41 дараҷа гарм мешавад.

Дар вилояти Хатлон  ҳавои софу беғубор пешгӯӣ шуда, ҳаво дар водиҳо шабона +21+26 ва рӯзона +36 + 41 дараҷа гарм хоҳад шуд.

Дар шаҳру ноҳияҳои тобеи марказ ҳаво тағйирёбандаи камабр гашта, шабона +15 +20 ва рӯзона +35+40 дараҷа гарм мешавад.

Имрӯз дар шаҳри Душанбе ҳаво софу беғубор шуда, шабона +15+17 ва рӯзона +37+39 дараҷа гарм мешавад.

Дар вилояти мухтори Кӯҳистони Бадахшон ҳавои камабри тағйирёбанда шуда, дар ғарби вилоят шабона 15+20, рӯзона 31-36 ва дар шарқи  ин вилоят   шабона  7+12 ва рӯзона +21+26 дараҷа гарм мешавад.

Шумо дар Хабари-рӯз
  •  << 
  •  < 
  •  2 
  •  > 
  •  >> 
саҳ 2 аз 2

Хабари-рӯз

Календар

« Август 2018 »
Пн Вт Ср Чт Пт Сб Вс
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Минбари сардабир

  • симКАРта

    Дар ҳафтае, ки гузашт, дар шабакаҳои иҷтимоӣ ин калима аз…

Нигоҳи хос

Парадокс

Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ...
Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ба ...
Гуфтед? Мегӯянд! (№3
Бег САБУР, раиси Хадамоти алоқа:- Ман қарорамро бекор накардаам.Танз: Офарин ба Шумо, оғои Бег ...
Гуфтед? Мегӯянд! (№2
Аскар ҲАКИМ, Шоири халқии Тоҷикистон:- Дар замони шӯравӣ мо асареро пайдо намекунем, ки дар ...
Гуфтед? Мегӯянд! (№1
Абдуалим ИСМОИЛЗОДА, раиси шаҳри Қӯрғонтеппа Хонандаи беҳтарин- Кӯшиш мекунам ҳар рӯз лоақал ...

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.