.

Alternative flash content

Requirements

Get Adobe Flash player

Скачать шаблоны для Joomla бесплатно
Светлые Joomla шаблоны.

Фарҳанг

Шумо дар Фарҳанг

Табрикоту умедворӣ

Янв 06, 2018 Хонданд: 392
Уникальная программа снижения веса от Фаберлик.
Новинки косметики фаберлик на faberllena.ru

Салому дуруди бепоён ба ҳафтаномаҳои «Фараж» ва «Самак». Кулли кормандони «Шарқи озод», аз хонанда то нависанда, аз ходим то надим, аз фаррош то наққош, аз хурд то бузургро ба муносибати соли нави мелодӣ табрику таҳният гуфта, дар соли навин тансиҳатию хотири ҷамъ, некию некномӣ, сабру таҳаммул, ақлу хиради расо, қалами бурро, сулҳу салоҳ, чашмҳои тезбин, суханҳои дилнишин орзу дорам. 

Дар соли сипаригашта ҳафтаномаҳои «Фараж» ва «Самак» ба дили хонандагон роҳ ёфта, бо маводҳои дилчасп, хонданбоб, маслиҳатҳои муфид дастгири ниёзмандон гардида буданд. Ин аз паҳншавии онҳо дар нуқтаҳои гуногуни ватан ва пешниҳоди фикру мулоҳизаву дархостҳои хонандагон маълум буд, ки мудом дар саҳифаҳои ҳафтаномаҳо дарҷ мегардиданд. Муваффақият ва пешравии масъулони ҳафтаномаҳо дар он аст, ки ҳамеша номаҳои баҳсталаб аз тарафи масъулон ҷавоб пайдо мекарданд.
Ҳафтаномаи «Фараж» дар соли сипаригашта тавонист бо ҳусну баён, савту калом ба дили хонандаи худ роҳ ёфта, дармонбахш гардад. Баъзан умеди охирини ҳоҷатмандон, фикру ақида ва хоҳишу талабҳои дурусташонро мувофиқи қонун ба гӯши мутасаддиён мерасонд. Байни ҷомеа «Фараж» чун дармонбахшу «Самак» зираку доно обрӯ пайдо карда, аз даст ба даст мегаштанд. Навиштаҷоти хонданбоб ва дилчаспе пайдо мешуд, ки баъзе муштариён онро мекофтанд. Боре шоҳиди он гардидам, ки аз вилояти Суғд шахсе суроғи шумораҳои ду-се моҳ пеш чопшуда омада буд. Вақте ин ё он корхона, муассиса, масъулон ба ҳафтаномаи «Фараж» ё «Самак» алоқаманд буданатонро огоҳ мегарданд, фикру ақида, дархосту пешниҳодҳои заруриро барои ободии ватан, сулҳу салоҳ, дӯстию бародарӣ, меҳру вафодорӣ, амнияти миллӣ хуш пазироӣ менамоянд ва баҳри рафъи камбудиҳо чораҳои судбахш меандешанд.
Дар соли сипаригашта борҳо мушоҳида намудам, ки аз нуқтаҳои гуногуни ватан ҳоҷатмандони зиёде ба ҳафтаномаи «Фараж» омада, дарди дили худро баён менамоянд ва дармонбахшии онро эҳсос мекунам, ки лоиқи таҳсин аст. Аз матолиби хонданбоб ва таърихиии дар саҳифаҳои «Самак» дарҷшуда низ хонанда огоҳ мегардад ва барои дастрас намудани ҳафтанома мадад меҷӯяд.
Дар саҳифаҳои ҳафтаномаҳо хонанда ҳар ҳафта оид ба саҳми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ободии ватан, сарҷамъии миллат, сулҳу салоҳ дар сайёра, обрӯи Тоҷикистон ва тоҷикистониён дар олам матолиби хонданибобро мутолиа мекунад.
Дар соли навин ҳафтаномаи «Фараж»-и номдор ва «Самак»-и айёрро байни матбуоти даврӣ дар ҷои намоён диданиам, боз ҳам хонданбоб ва дилчасп буданашонро хоҳонам. Байни ҳамсояҳо - «Фараж», «Самак», «Зангӯла», «Чашма»-ву «Офтобак» дӯстию тифоқӣ, якдигарфаҳмӣ, ҳурмату эҳтиром, посдорӣ, қадри меҳнати ҳамдигариро дар соли нав боз ҳам хубтар диданиам. Ҷамъи кормандони матбуоти мактабиёнро низ табрику таҳният гуфта, ба кулли мактабиён ақли расо, хониши хубу аъло ва ба мардуми Тоҷикистон сидқу вафодориро орзу дорам.

Ҷамолиддин ҶАЛОЛОВ

Тағйироти охир Шанбе, 06 Январ 2018 16:33
Хонданд 392
Баҳо диҳед
(0 )

Медиа

ШУМО НАЗАР Ё ПАЁМЕ ДОРЕД

_______________________________________________

Хабари-рӯз

Календар

« Ноябрь 2018 »
Пн Вт Ср Чт Пт Сб Вс
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Минбари сардабир

  • симКАРта

    Дар ҳафтае, ки гузашт, дар шабакаҳои иҷтимоӣ ин калима аз…

Нигоҳи хос

Парадокс

Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ...
Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ба ...
Гуфтед? Мегӯянд! (№3
Бег САБУР, раиси Хадамоти алоқа:- Ман қарорамро бекор накардаам.Танз: Офарин ба Шумо, оғои Бег ...
Гуфтед? Мегӯянд! (№2
Аскар ҲАКИМ, Шоири халқии Тоҷикистон:- Дар замони шӯравӣ мо асареро пайдо намекунем, ки дар ...
Гуфтед? Мегӯянд! (№1
Абдуалим ИСМОИЛЗОДА, раиси шаҳри Қӯрғонтеппа Хонандаи беҳтарин- Кӯшиш мекунам ҳар рӯз лоақал ...

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.