.

Alternative flash content

Requirements

Get Adobe Flash player

Материалы отфильтрованы по дате: Ҷумъа, 14 Сентябр 2018 - || ФАРАЖ

Ҳаҷми интиқоли маблағҳои шахсони воқеӣ аз Русия ба Тоҷикистон дар семоҳаи дуюми соли равон аз нишондиҳандаҳои Қозоқистон зиёдтар буда, аммо аз Ӯзбакистон ва Қирғизистон камтар мебошад.

Бино ба иттилои Бонки марказии Русия  дар ин давра ҳаҷми интиқоли маблағҳои шахсони воқеӣ аз Русия ба Тоҷикистон 672 миллион доллари амрикоиро ташкил медиҳад. 

Ӯзбакистон дар мукоиса бо дигар кишварҳои Осиёи Марказӣ дар робита ба интиқоли пулӣ аз Русия бо маблағи як миллиард доллар дар ҷойи аввал аст. Дар ин давра дар ҳаҷми 681 миллион доллар ба Қирғизистон, ба Тоҷикистон 672 миллион доллар, Қазоқистон 205 миллион доллар, инчунин ба Туркманистон 100 ҳазор доллари ИМА интиқол дода шудааст.

Дар муқоиса бо ҳамин давраи соли гузашта, ҳаҷми интиқолҳо дар ҳамаи давлатҳо, ба ғайр аз Туркманистон, афзудааст. Ҳамин тариқ, дар семоҳаи соли 2018-ум 868 млн доллари ИМА аз Русия ба Ӯзбакистон интиқол дода шудааст. Ин нишондиҳанда ба Тоҷикистон 574 млн.доллар, Қирғизистон 191 млн.доллар, Туркманистон 100 ҳазор долларро ташкил додааст.

Тибқи маълумоти Бонки маркази Русия дар семоҳаи дуюми имсол 382 млн. доллари ИМА аз Қазоқистон ба Русия интиқол дода шудааст. Аз давлатҳои  Қирғизистон 107 млн. Доллар, Ӯзбакистон 95 млн. Доллар ва Тоҷикистон 38 млн. Доллар, инчунин, Туркманистон 9 млн. доллари ИМА интиқол шудааст.

Соли 2017, ҳаҷми интиқоли маблағ аз Русия ба Тоҷикистон ба 2 млрду 536 млн. долларро ташкил медод.

Шумо дар Хабари-рӯз

ДарвилоятиДашоғузиТуркманистонболоравиинархимаҳсулотиғизоӣвамолҳоидигарҳанӯзҳамидомадорад.

Рӯзи 12-уми сентябр дар “бозори сиёҳ”-и Туркманистон як доллар 20,6 - 21 манат хариду фурӯш шудааст. (Арзиши расмии 1 доллар 3,5 манат аст).

Бино ба иттилои расонаҳои ин кишвар, 12-уми сентябр дар бозорҳои Дашоғуз 1 кило помидор 10-15 манат, 1 кило сабзӣ 10 манат, 1 кило тарбуз 4 манат буд. Дар ҳоле ки як ҳафта пеш 1 кило помидор 9 - 10 манат фурӯхта мешуд.

Дар бозорҳои Дашоғуз нархи маҳсулоти ширӣ низ боло рафтааст. Гуфта мешавад, ки ҳамзамон, нархи донагӣ ва меваи хушк низ хеле гарон шудааст. 1 кило чормағз 200 ва 1 кило зардолуи хушкро 80 манат мефурӯшанд.

Нафақахӯрони Дашоғуз мегӯянд, пули нафақаи онҳо, ки каме бештар аз 250 манат аст, ҳатто ба ғизо намерасад.

Шумо дар Хабари-рӯз

Хонандагони Муассисаи таҳсилоти миёнаи умумии №48-и ноҳияи Қубодиёнро надоштани толори варзишӣ ва гузаронидан дарсҳои варзиш дар фасли сармо дар синфхонаҳои танг нигарон кардаст. 

Директори МТМУ №48-и ноҳияи Қӯбодиён Дилафрӯз Шарипова гуфт, ки  мушкилии асосии 652 нафар хонандаи муассиса надоштани толори варзишӣ мебошад.

Ӯ нигаронӣ аз он кард, ки  «фасли зимстон дар пеш аст, мо намедонем дарсҳои тарбияи ҷисмониро дар куҷо ба хонандагон гузаронем».

Дар муассиса як майдончаи варзишӣ аст, ки он низ пур аз сангу хок буда, хонандагон наметавонанд, ба хубӣ машғулиятҳои варзишии худро гузаронанд.

Ҳамзамон ӯ қайд намуд, ки 6 сол қабл ин муассиса соҳиби як толори варзишии садамавӣ буд, аммо аз набудани синфхона онро низ хароб карда, дар ҷойяш 8  синфхона бунёд карданд.

Дилафрӯз Шарипова афзуд:

- Ман дар ин муасссиса як сол шуд директор шудаам ва то ҳол ба мақомоти лозима барои бунёди толор, муроҷиат накардаам, аммо директорони пешинаи ин даргоҳ борҳо ба мақомоти болоӣ барои бунёди толори варзишӣ мактуб карда буданд, вале беҷавоб боқӣ мондаанд. Гарчанде, ман соҳибкоронро борҳо барои бунёди ин толор даъват намудаам, аммо онҳо аз ин кор даст кашиданд, зеро барои бунёди як толори варзишӣ маблағи зиёд лозим аст.

Мактаби №48 дар маркази  ноҳияи Қубодиён аз соли 1938 сохта шудааст. Агар дар маркази ноҳия муассисаи таълимӣ толор надошта бошад, пас дар мактубҳои дурдасти ноҳия вазъ дар кадом ҳолат қарор дорад?

Бояд гуфт, ки орзуи ягонаи 652 нафар хонандаи МТМУ №48-и ноҳияи Қубодиён бунёди толори варзишӣ дар таълимгоҳашон аст, аммо ин орзуи онҳо кай амалӣ мешуда бошад? 

Рахмоналӣ Додархӯҷаев

Аҳмадчон Раҳимзода

 

Шумо дар Хабари-рӯз

 

Як нафари пеш судшуд бо истифода аз корд ба чони ноболиғи 10-сола таҳдид карда, пулу моли хонаро дуздидааст, аммо ба зудӣ дастгир шудааст ва бояд барои ин амалаш ҷавоб гӯяд.

Ба ШВКД дар ноҳияи Мастчоҳ ҷавони 28-солаи сокини ҷамоати деҳоти Бӯстони ноҳияи мазкур дар он хусус муроҷиат намудааст, ки 13-уми сентябри соли 2018, тахминан соати 00:00, шахси номаълуми ниқобпӯши бо корд мусаллаҳ, ба хонаи истиқоматиаш даромада, бо корд писари ноболиғи 10-солааш таҳдид кардааст. Бо ин роҳ ин нафар 44.000 сомонӣ пул, 3 адад телефони мобилии тамғаҳои «Айфон-5», «ОППО» ва «Нокиа», ки арзишашон 2400 сомониро ташкил медиҳад, гирифта, аз ҷои ҳодиса ғайб задааст. Кормандони милитсия марди 29-солаи сокини ноҳияи Мастчоҳ, ки пеш бо моддаи 237-и Кодекси ҷиноятии Ҷумҳурии Тоҷикистон суд шудааст, ҳамчун гумонбар дар содир намудани ҷинояти роҳзанӣ дастгир кардааанд.

 

Шумо дар Хабари-рӯз
  •  << 
  •  < 
  •  1 
  •  > 
  •  >> 
саҳ 1 аз 2

Хабари-рӯз

Календар

« Сентябрь 2018 »
Пн Вт Ср Чт Пт Сб Вс
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Минбари сардабир

  • симКАРта

    Дар ҳафтае, ки гузашт, дар шабакаҳои иҷтимоӣ ин калима аз…

Нигоҳи хос

  • МАНСАБ ВА ШАХСИЯТ

    Имрӯз тасодуфан бо мансабдоре вохӯрдам. Дурусттараш, ӯ ба ҳуҷрае, ки…
  • «РИСК»

    Ба назар чунин мерасад, ки нависандагони мо ба «бемории хомӯшӣ»…

Парадокс

Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ...
Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ба ...
Гуфтед? Мегӯянд! (№3
Бег САБУР, раиси Хадамоти алоқа:- Ман қарорамро бекор накардаам.Танз: Офарин ба Шумо, оғои Бег ...
Гуфтед? Мегӯянд! (№2
Аскар ҲАКИМ, Шоири халқии Тоҷикистон:- Дар замони шӯравӣ мо асареро пайдо намекунем, ки дар ...
Гуфтед? Мегӯянд! (№1
Абдуалим ИСМОИЛЗОДА, раиси шаҳри Қӯрғонтеппа Хонандаи беҳтарин- Кӯшиш мекунам ҳар рӯз лоақал ...

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.