.

Alternative flash content

Requirements

Get Adobe Flash player

Материалы отфильтрованы по дате: Сентябр 2018 - || ФАРАЖ

Баъд аз сафар ба Вилояти Мухтори Кӯхистони Бадахшон, ки аз кори мақомоти ин вилоят эрод гирифта шуд, президенти Тоҷикистон бо фармони худ расиони шаҳри Хоруғ, ноҳияҳои Рӯшон ва Роштқалъаро аз вазифа озод кард ва ба ҷойи онҳо нафарони дигарро таъйин намуд.

Дар фармони 18-уми сентябр ба имзо расида, омадааст, ки Маҳтобшозода Арамбегим Бозор аз вазифаи раиси шаҳри Хоруғи Вилояти Мухтори Кӯҳистони Бадахшон озод карда шуда, Шамиров Кишвар Ғуломрасулович раиси шаҳри Хоруғи Вилояти Мухтори Кӯҳистони Бадахшон таъйин карда шавад.

Дар идома, Имомназар Хоҷаназар Лутфулло аз вазифаи раиси ноҳияи Рӯшони Вилояти Мухтори Кӯҳистони Бадахшон барканор гардида, ҷойи ӯро дар ин вазифа Додихудоев Фарух Муборакшоевич гирифтааст.

Ҳамчунин, Султонноёбов Юсуф Юсуфович аз вазифаи раиси ноҳияи Роштқалъаи Вилояти Мухтори Кӯҳистони Бадахшон озод карда шуда, Мамадшоев Давлатшо Силтоннаҷотович раиси ин ноҳия таъйин гардидааст.

Дар акс Маҳтобшозода Арамбегим Бозор

 

Шумо дар Хабари рӯз

Рӯзи 18-уми сентябри соли равон дар толори “Ҳафт авранг”-и сафорати Афғонистон дар Душанбе бахшида ба ёдбуди ду абармарди ин кишвар - Аҳмадшоҳ Масъуд ва Бурҳониддин Раббонӣ, ки саҳми онҳо дар сулҳи тоҷикон низ намоён аст, “Ҳафтаи шаҳид” баргузор гардид.

Дар ин ҷамъомад шумораи зиёди донишмандон, фарҳангиён, дипломатҳо ва рӯзноманигорон ширкат доштанд. Ҳамзамон, намояндагон аз Тоҷикистону Афғонистон, ки бевосита бо шахсияти ин ду нафар шиносоӣ доштанд, суханону ёддоштҳои худро баён намуда, руҳи ин ду шахси арзандаи афғонро шод намуданд.

Дар ҷамъомади мазкур ҳама аз қаҳрамониву ҷонфидоиҳои ин ду абармард суханронӣ карданд.

Бояд гуфт, ки ҳамасола дар солрӯзи шаҳодати Аҳмадшоҳи Масъуд ва Бурҳониддин Раббонӣ дар сафорати Афғонистон, дар шаҳри Душанбе «Ҳафтаи шаҳид» таҷлил мегардад.

Аҳмадшоҳи Масъуд, 9-уми сентябри соли 2001 ҳангоми як ҳамлаи интиҳорӣ аз ҷониби ду зархариди араб вобаста ба шабакаи «Ал-қоида», дар минтақаи Хоҷа Баҳовуддини вилояти Тахор ба шаҳодат расид.

Бурҳониддин Раббонӣ, раиси Шурои Олии Сулҳи Афғонистон ва собиқ президенти ин кишвар низ бар асари як инфиҷор 20-уми сентябри соли 2011 дар Кобул кушта шуд.

Шумо дар Хабари рӯз

Ба далели нарасидани муассисаҳои томактабӣ аз ҷамъи умумии кӯдакони вилояти Хатлон ҳамагӣ 2,8 дарсадашон ба кӯдакистонҳо фаро гирифта шудаанд.

Корманди Сарраёсати омори вилояти Хатлон Аминзода Салоҳиддин мегӯяд, дар вилояти Хатлон 514 ҳазору 515 нафар кӯдаки синни томактабӣ ба қайд гирифта шуда, аз ин шумора ҳамагӣ 14 ҳазору 601 нафар ба кӯдакистонҳо фаро гирифта шудаанд. Боқӣ 97 дарсад  аз муассисаҳои томактабӣ дур мондаанд.

“Ввилояти Хатлон 1 ҳазору 570 деҳа ва 133 ҷамоат дорад, ки дар бештари онҳо муассисаи томактабӣ мавҷуд нест”, – изҳор дошт Аминзода.

Ба гуфти сармутахассиси муассисаҳои томактабии Раёсати маорифи вилояти Хатлон Хосият Миралиева яке аз сабабҳои фарогирии ками кӯдакони хатлонӣ ба муассисаҳои томактабӣ дар фурӯхта шудан, ё бо дигар мақсад истифода шудани муассисаҳои томактабӣ мебошад.

Раҳмоналӣ Додархӯҷаев

Шумо дар Хабари рӯз

Дар доираи ҳамкориҳои судманди Ҳизби Халқии Демократии Тоҷикистон бо ҳизби «Озарбойҷони нав» ҳайати намояндагони Ташкилоти ҷамъиятии ҷавонон «Созандагони Ватан» дар Форуми байналмилалии ҷавонон «Бунёди пул миёни Осиё ва Аврупо», ки дар шаҳри Бокуи Ҷумҳурии Озарбойҷон баргузор гардид, иштирок намуданд.

Мавриди зикр аст, ки Озарбойҷон ва Тоҷикистон дар ҳамаи самтҳо ҳамкории қавӣ дошта, дар таъмини амнияти минтақавӣ саҳми шоиста доранд. Иртиботи дӯстонаи миёни роҳбарони кишварҳо барои тақвият бахшидани ҳамкорӣ заминаи мусоид фароҳам меорад.

Ҳамкории қаноти ҷавонони ҲХДТ «Созандагони Ватан» ва Иттифоқи ҷавонони ҳизби «Озарбойҷони нав» дар ин замина шоистаи дастгирӣ буда, рушд бахшидани онҳо ҷиҳати боз намудани уфуқҳои нави фаъолият кӯмак мерасонад.

Дар ҳамин росто, рӯзҳои 13-16 сентябри соли ҷорӣ бо иштироки ҷавонони фаъол ва ташкилотҳои ҷавонони минтақаи Авруосиё Форуми байналмилалии ҷавонон «Бунёди пул миёни Осиё ва Аврупо» бо иштироки намояндагони «Созандагони Ватан», созмонҳои бонуфузи DEMYC, ICAPP, IYDU, EDS, YEPP ва дигарон баргузор шуд.

Боиси хушнудист, ки дар ҷараёни баргузории ин чорабинӣ рӯзи 15 сентябр Меморандуми ҳамкорӣ ва табодули таҷриба аз тарафи раиси Ташкилоти ҷамъиятии ҷавонон «Созандагони Ватан» Абдулло Раҳмонзода ва раиси Иттифоқи ҷавонони ҳизби «Озарбойҷони нав» Сеймур Оруджаев ба имзо расид, ки тибқи он ҷонибҳо табодули таҷрибаи пешқадамро дар ҳамаи самтҳо ба роҳ мемонанд.

Мавриди зикр аст, ки ТҶҶ «Созандагони Ватан» узви созмони байналмилалии ҳамкориҳои шабакавии Шоҳроҳи бузурги Абрешим (SIRONET) буда, имрӯзҳо ҷиҳати имзои созишнома бо қаноти ҷавонони ҳизби умумироссиягии «Единая Россия» - «Молодая Гвардия» ва қаноти ҷавонони ҳизби «Жас отан» гуфтугӯ идома дорад.

Шумо дар Хабари рӯз
саҳ 9 аз 40

Хабари рӯз

Календар

« Сентябрь 2018 »
Пн Вт Ср Чт Пт Сб Вс
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Минбари сардабир

  • симКАРта

    Дар ҳафтае, ки гузашт, дар шабакаҳои иҷтимоӣ ин калима аз…

Нигоҳи хос

  • «РИСК»

    Ба назар чунин мерасад, ки нависандагони мо ба «бемории хомӯшӣ»…
  • Чаро бояд китоб хонд?

    Инсон дар таърих ду кашфиёти бузург дорад: яке ҳунари ноширӣ,…

Парадокс

Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ...
Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ба ...
Гуфтед? Мегӯянд! (№3
Бег САБУР, раиси Хадамоти алоқа:- Ман қарорамро бекор накардаам.Танз: Офарин ба Шумо, оғои Бег ...
Гуфтед? Мегӯянд! (№2
Аскар ҲАКИМ, Шоири халқии Тоҷикистон:- Дар замони шӯравӣ мо асареро пайдо намекунем, ки дар ...
Гуфтед? Мегӯянд! (№1
Абдуалим ИСМОИЛЗОДА, раиси шаҳри Қӯрғонтеппа Хонандаи беҳтарин- Кӯшиш мекунам ҳар рӯз лоақал ...

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.