.

Alternative flash content

Requirements

Get Adobe Flash player

Материалы отфильтрованы по дате: Август 2018 - || ФАРАЖ
Сешанбе, 28 Август 2018 09:48

Вазъи ҳаво: Муътадил мешавад

Агентии обуҳавошиносии Тоҷикистон  хабар медиҳад, ки имрӯз, 28-уми август, дар ҷумҳурӣ ҳаво тағйирёбандаи камабр ва бебориш шуда, дар баъзе ноҳияҳо вазиши шамол аз самти шарқ то 10-15 метр дар як сония мерасад. Дамои ҳаво шабона то 2-3 ва рӯзона то 1-2 дараҷа паст мешавад.

Имрӯз дар вилояти Суғд ҳаво қисман абрноки тағйирёбанда шуда, шамол аз самти шарқ 3-8 ва дар баъзе ҷойҳо то 10-15 метр дар як сония мевазад. Дар водиҳо шабона +12+17 ва рӯзона +29+34 дараҷа гарм мешавад.

Дар вилояти Хатлон ҳаво тағйирёбандаи камабр пешгӯӣ шуда, шамол аз самти ғарб 3-8 метр дар як сония мевазад. Ҳаво дар водиҳо шабона +15+20 ва рӯзона 32+37 дараҷа гарм хоҳад шуд.

Дар Вилояти Мухтори Кӯҳистони Бадахшон ҳавои камабри тағйирёбанда шуда, дар ғарби вилоят шабона 8+13, рӯзона 25-30 ва дар шарқи ин вилоят шабона 0-5 ва рӯзона +14+19 дараҷа гарм мешавад.

Дар шаҳру ноҳияҳои тобеи марказ ҳаво тағйирёбандаи камабр гашта, шабона +12 +17 ва рӯзона +30+35 дараҷа гарм мешавад.

Имрӯз дар шаҳри Душанбе ҳаво камабри бебориш пешгӯӣ карда шуда, шабона +14+16 ва рӯзона +32+34 дараҷа гарм мешавад.

Шумо дар Хабари-рӯз

11 роҳбари бозорҳои шаҳри Тошканди Ӯзбекистон барои роҳ додан ба пӯсидани пиёз дар анборҳо боздошт ва нисбати онҳо парвандаи ҷиноятӣ боз шудааст. АИ «АП» хабар медиҳад, ки охири моҳи июн дар ҷаласаи эътилофи "Тошбозорсавдо" ҳадди ақал 11 роҳбари бозорҳои шаҳри Тошканди Ӯзбекистон боздошт шудаанд.

Ин ҳодиса дар таърихи 30 июн рух дода, аммо танҳо ҳоло расонаӣ шудааст. Наздикони боздоштшудаҳо мегӯянд, онҳоро давоми ду моҳ дар боздоштгоҳи вазорати корҳои дохилӣ нигаҳдорӣ кардаанд.

Бино ба иттилои Бахши хабарии Осиёи Марказӣ, ба гуфтаи намояндаи Додситонии кулли Ӯзбекистон, нисбати боздоштшудаҳо парвандаи ҷиноятӣ боз ва ҳамаи онҳо дар роҳ додан ба пӯсидани пиёз дар анборҳои давлатӣ айбдор мешаванд.

"Падари маро он рӯз ба ҷаласа даъват карданд. Вале дар рафти ҷаласа ӯро боздошт карданд. Ба ҷуз падари ман роҳбари 10 бозори дигарро ҳам боздошт карданд", - гуфтааст писари яке аз раисони боздоштшуда.

Баҳори имсол дар бозорҳои Тошканд ба харидорон тақрибан 3 ҳазор тонна пиёзи ройгон тақсим карданд. Ба гуфтаи яке аз масъулони эътилофи "Тошбозорсавдо", боздошти роҳбарони бозорҳо маҳз ба ҳамин ҳодиса рабт дорад.

"Боздоштшудаҳо дар расонидани зарар ба буҷаи давлат дар ҳаҷми 12 миллиард сӯм (наздики 1,5 миллион доллар) айбдор мешаванд", - гуфтааст намояндаи эътилоф.

Ба гуфтаи вай, миёни боздоштшудаҳо раисони бозорҳои "Урикзор", "Челонзор", "Бек тупӣ", "Чорсу" ва ғайра будаанд.

Шумо дар Слайд

26-уми август, тахминан соати 15:00, дар минтақаи муҳофизатии Отряди сарҳадии «Ҳамадонӣ», ки марзи ноҳияи Фархор бо Ҷумҳурии Исломии Афғонистон мебошад, гурӯҳи силоҳбадасти номаълуми афғон, иборат аз 10-12 нафар сарҳади давлатиро ғайриқонунӣ убур намуда, ба автомашинаи давлатии тамғаи «Нива», рақами давлатиаш 975 ХВ 03 РТ, ки дар он се нафар шаҳрвандони Ҷумҳурии Тоҷикистон ҳаракат доштанд, бо яроқҳои оташфишони АК-74, қутраш 5,45 ва 7,62,  РПГ 7В  ҳамла намуда, онҳоро зери оташ қарор додаанд.

Дар ин бора «Ховар» аз қавли сардори маркази матбуоти Қӯшунҳои сарҳадии  КДАМ Ҷумҳурии Тоҷикистон Муҳаммад Улуғхоҷаев иттилоъ дода, менависад, ки «дар натиҷаи ҳамла ду нафар шаҳрванди Ҷумҳурии Тоҷикистон, кормандони хоҷагии ҷангал Ҳамрохон Саидов, соли таваллудаш 10.02.1956, истиқоматкунандаи Фархор ва Давлат Сангинов, соли таваллудаш 20.03.1958, ки дар асоси иҷозатномаи махсус барои ҷамъоварии хӯроки чорво машғул буданд, мутаассифона, дар ҷои ҳодиса ба ҳалокат мерасанд. Мусофир Сафархон Раҳмонов, соли таваллудаш 26.08.1992 истиқоматкунандаи ҷамоати Ҳисори ноҳияи Фархор ба тарафи қамишзор фирор кардааст.

«Айни замон бо мақсади пайдо ва несту нобуд намудани гурӯҳи силоҳбадасти номаълуми афғон хизматчиёни ҳарбии Отряди сарҳадии «Ҳамадонӣ» корҳои фаврию ҷустуҷӯиро ба роҳ мондаанд», - гуфтааст М. Улуғхоҷаев.

Шумо дар Хабари-рӯз

Ширкати Tcell тавсеаи марказҳои хидматрасонӣ ва шабакаҳои марбут ба онро дар шимоли кишвар идома медиҳад. Дар ҳоли ҳозир Tcell хадамоти иртиботи боэътимодро дар қаламрави вилояти Суғд роҳандозӣ карда, теъдоди муштариёни ширкат дар ин ҷо рӯ ба афзоиш аст. 

Аз аввали сол шабакаи фурӯши чаканаи Tcell дар шимоли Тоҷикистон боз 25 маркази наву муосир, ки дорои таҷҳизоти замонавӣ ва сатҳи хизматрасонии олӣ мебошанд, ба фаъолият оғоз карданд. Дар ин марокиз ҳама шароитҳо муҳайё гардида, сокинони навоҳии сераҳолӣ ва дурдаст аз хизматрасонии босифат баҳравар мегарданд.   

Нуқтаҳои хизматрасонӣ дар ҷойҳои барои муштариён қулай: назди бозору фурӯшгоҳҳо, истгоҳҳои бузурги мусофиркашонӣ, маркази ҷамоату шаҳракҳо бунёд шудаанд. 

Дар марказҳои ҷадиди хизматрасонии ширкати Tcell кормандони ҳирфаии баландихтисос, ки давраи бозомӯзиро гузаштаанд, фаъолият менамоянд. Муштариён метавонанд дар марказҳои мазкур ба ҳама пурсиши худ посух бигиранд, мушкилоти техникии иртиботашонро рафъ созанд, симкорти Тсеll-ро фаъол намоянд ва ё ба тавозунашон маблағ гузаронанд, барномаи “Чӣ гап”-ро барои суҳбат бо наздиконашон пайваст намоянд.

Марказҳои нави хизматрасонии ширкати Tcell-ро дар вилояти Суғд бо суроғаву нишониҳои зерин пайдо кардан мумкин аст:  

1)  Шаҳри Хуҷанд, маҳаллаи 34-ум, МТ "Абукарим"

2) Шаҳри Хуҷанд, к.Камоли Хуҷандӣ, 162

3) Шаҳри Хуҷанд, дар қабати истгоҳи мусофиркашонӣ (автовокзал)

4) Шаҳри Гулистон, к.Истиқлол, МТ "Ирам"

5) Ноҳияи Ашт, ҷамоати Ошоба, шаҳраки Марҳамат

6) Ноҳияи Ашт, шаҳраки Шайдон, к.Исмоили Сомонӣ, дар қабати автовокзал 

7) Ноҳияи Ашт, ҷамоати Ашт, шаҳраки Дӯстӣ

8) Ноҳияи Ашт, ҷамоати Ориён

9)  Ноҳияи Ҷ.Расулов, ҷамоати Сомониён, бозори “Ашроф” 

10) Ноҳияи Ҷ.Расулов, ҷамоати Ғӯлакандоз, к. Д.Самадов 

11) Шаҳри Истаравшан, шаҳраки Гули Сурх

12) Шаҳри Исфара, бозори марказӣ

13) Шаҳри Конибодом, кӯчаи Б.Мансуров, бозори марказӣ 

14) Ноҳияи Масчо, шаҳраки Бӯстон, к.Исмоили Сомонӣ, 18/1

15) Ноҳияи Масчо, ҷамоати Масчо

16) Ноҳияи Шаҳристон, шаҳраки Шаҳристон, бозори марказӣ

17) Ноҳияи Деваштич (собиқ Ғончӣ), ҷамоати Муҷум, д.Муҷум 

18) Ноҳияи Деваштич (собиқ Ғончӣ), ҷамоати Ваҳдат, деҳаи Қалъаи Дӯст

19) Ноҳияи Спитамен, ҷамоати Истиқлол (Оқтеппа), деҳаи Саидқалъа (Саидқӯрғон)

20) Ноҳияи Спитамен, ҷамоати Курӯш, кӯчаи Уришев, 48 

21) Ноҳияи Бобоҷон Ғафуров, ҷамоати Ёва (дар паҳлӯи бемористон)  

22) Ноҳияи Бобоҷон Ғафуров, к. Ленин, бозори “Атуш” (гузаргоҳи зеризаминӣ) 

23) Шаҳри Гулистон (Қайроққум), кӯчаи Истиқлол, паҳлӯи МТ «Ирам»

24) Ноҳияи Айнӣ, к.Айнӣ (дар паҳлӯи Айнӣ)

25) Ноҳияи Айнӣ, ҷамоати Урметан

Ба наздикӣ марказҳои нави хизматрасонии ширкати Tcell дар манотиқи дурдаст ва кӯҳистони Панҷакент, Ашт, Масчои Кӯҳӣ, Бобоҷон Ғафуров ва шаҳрҳои Хуҷанд, Исфара ва Конибодом дари худро ба рӯи муштариён боз хоҳанд кард.

Шумо дар Хабари-рӯз
саҳ 10 аз 47

Хабари-рӯз

Календар

« Август 2018 »
Пн Вт Ср Чт Пт Сб Вс
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Минбари сардабир

  • ДАВоДАВ

    Масофаи роҳ бо машинае, ки 150 ҳазор доллар нарх дорад…

Нигоҳи хос

  • Шӯро

    Ҳафтаи сипаригашта ду ниҳод - Вазорати фарҳанг ва Кумитаи забон…
  • «Шамол»-и Худо

    Инак, моҳи аввали фасли дай фаро расид. Инак, мавсими «рустшавак»…

Парадокс

Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ...
Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ба ...
Гуфтед? Мегӯянд! (№3
Бег САБУР, раиси Хадамоти алоқа:- Ман қарорамро бекор накардаам.Танз: Офарин ба Шумо, оғои Бег ...
Гуфтед? Мегӯянд! (№2
Аскар ҲАКИМ, Шоири халқии Тоҷикистон:- Дар замони шӯравӣ мо асареро пайдо намекунем, ки дар ...
Гуфтед? Мегӯянд! (№1
Абдуалим ИСМОИЛЗОДА, раиси шаҳри Қӯрғонтеппа Хонандаи беҳтарин- Кӯшиш мекунам ҳар рӯз лоақал ...

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.