.

Alternative flash content

Requirements

Get Adobe Flash player

Материалы отфильтрованы по дате: Сешанбе, 13 Ноябр 2018 - || ФАРАЖ

400 нафар наваскари даъвати тирамоҳии имсола дар Маркази таълимии «Пойтахт»-и Қушунҳои сарҳадии КДАМ қасами ҳарбӣ ёд карданд.

Ба ин муносибат 10-уми ноябр дар ин Марказ бо боло баровардани байрақи ҷангӣ чорабинии тантанавӣ баргузор карда шуд.

Дар ин чорабинии мазкур муовини фармондеҳи Қӯшунҳои сарҳадии КДАМ ҶТ полковник Адбуллозода Н., сардори Маркази таълимии «Пойтахт»-и Қӯшунҳои сарҳадӣ, намояндагони Хадамоти сарҳадии Федератсия Русия дар Тоҷикистон, падару модарони сарбозон ва дигар меҳмонон низ иштирок доштанд.

Полковник Абдуллозода дар назди меҳмонон ва сарбозон аз садоқату ҷасорати касбӣ, фидокориву ҷоннисории афсарону сарбозони ин ниҳод тавсиф намуда, сулҳу субботи пойдор ва зиндагии осоиштаи мардуми кишварро маҳз ба хизматҳои шабонарӯзии онҳо рабт дод.

-Мубориза  бар зидди ҳамагуна хатарҳои эҳтимолӣ, ба хусус терроризми байналмилалӣ, экстремизми сиёсӣ ва дигар зуҳуроти номатлуб аз ҳар як афсару сарбоз омодабошии доимии ҳарбиро тақозо менамояд, зеро ҳифзи дастовардҳои истиқлолияти давлатӣ, аз ҳар як фарди содиқ ва бонангу номуси ин Ватан вобастагӣ дорад. Вазифаи аввалин дараҷаи ҳар як хизматчии ҳарбӣ ин садоқат ба Ватан ва Савганди ҳарбӣ мебошад,- гуфт муовини фармондеҳи Қӯшунҳои сарҳадии КДАМ ҶТ полковник Адбуллозода Н.

Ҳамчунин, падару модарон низ ба сухан баромада, аз наваскарон хизмати софдилона дар ҳифзи марзу буми кишварро тақозо карданд ва хизмати аскариро барои ҳар як ҷавон мактаби воқеии ҳаёт унвон намуданд.

Пас аз маросими савгандёдкунӣ, сарбозон ва ҳайати шахсии Маркази таълимии «Пойтахт» бо марши тантанавӣ аз назди меҳмонон гузаштанд/ Муовини Фармондеҳи Қӯшунҳои сарҳадии КДАМ ҶТ полковник Абдуллозода бо падару модарон ҳамсӯҳбат шуда, ба онҳо миннатдорӣ баён намуд ва ваъда дод, ки пас аз хизмат дар сафи Қӯшунҳои сарҳадии КДАМ ҶТ фарзандонашон бо сари баланд ба назди онҳо бармегарданд.

Дар анҷом аз ҷониби ансамбли ҳарбии «Марзбон»-и ҚС КДАМ ҶТ ба иштироккунандагон концерти идона намоиш дода шуд.

Шумо дар Хабари-рӯз

Имрӯз,13-уми ноябр, дар шаҳри Париж вохӯрии раиси МНМО Шукурҷон Зуҳуров бо раиси Гуруҳи байнипарламентии дӯстии Фаронса ва ОМ дар Ассамблеяи миллии Фаронса Патрис Вершер баргузор гардид.

Ҷонибҳо зимни мулоқот маҷмӯи васеи масъалаҳои вобаста ба муносибатҳои дуҷонибаи Тоҷикистон ва Фаронса, аз ҷумла робитаҳои байнипарламентии ду кишварро мавриди муҳокима қарор доданд.

Дар рафти сӯҳбат таваҷҷуҳи ҷониби Фаронса ба иқтидору имкониятҳои фаровони рушди ҳамкориҳо дар соҳаҳои амният, энергетика, кишоварзӣ, нақлиёт ва коммуникатсия, сайёҳӣ, маориф ва фарҳанг ҷалб карда шуд. Дар ин радиф, аҳамияти тавсеаи пояи қарордодиву ҳуқуқии муносибатҳои мутақобилаи байни Тоҷикистон ва Фаронса барои ғанигардонии ҳамкориҳо бо мазмуну мундариҷаи мушаххас таъкид гардид.

Гуфтугӯи судманд ҳамчунин дар атрофи амнияти минтақа, махсусан дар мавзӯи Афғонистон сурат гирифт.

Шумо дар Хабари-рӯз

Дар шаҳри Самарқанди Ӯзбекистон кӯдаки 6-сола гаҳвораеро оташ зад, ки дохили он додари 2-моҳааш хоб буд.

Дар ин бора расонаҳои маҳаллӣ бо такя ба Вазорати корҳои дохилии Ӯзбекистон хабар медиҳанд.

Хабар дода мешавад, ки волидон кӯдаконро беназорат гузоштаанд ва кӯдаки 6-сола оташбозӣ карда, дар натиҷа гаҳвораҳо оташ задааст.

Дар ниҳоят оташ хомӯш ва кӯдакон дар бемористон бистарӣ шудаанд.

Шумо дар Хабари-рӯз

Дар доираи амалишавии марҳилаи дуюми лоиҳаи «Барқароркунии роҳи минтақавии Душанбе-Турсунзода», қитъаи роҳ аз мавзеи пешини пайкараи Сино то дарвозаи ғарбии шаҳри Душанбе,  дар буриши роҳи ҳалқавии маҳаллаи Қарияи Болои шаҳри Душанбе бунёди  боз як эстакадаи  сесатҳа  тибқи нақша ҷараён дорад.

Эстакадаи мазкур аз  роҳи давродавр ва пул иборат буда, дар буриши ҳалқавии хиёбонҳои Исмоили  Сомонӣ ва Абуалӣ ибни Сино ҷой мегирад. Ҳамчунин дар қисмати шимоливу ҷанубии буриши кӯчаи Сино гузаргоҳҳои зеризаминӣ сохта мешаванд. Тибқи қарордод, иншоот моҳҳои апрел–майи соли 2020 бояд мавриди истифода қарор гирад.

Инчунин сохтмони роҳ бо пул дар ду сатҳ дар буриши хиёбони Нусратулло Махсум бо кӯчаи Маяковский, сохтмони роҳ бо пул дар ду сатҳ дар буриши хиёбони Нусратулло Махсум бо кӯчаи Баҳоваддинов ва таҷдиди роҳу гузаргоҳи зеризаминии маҳаллаи Қарияи Боло то дарвозаи ғарбии шаҳри Душанбе дар назар аст.

Фармоишгари иншоот Маркази татбиқи лоиҳаҳои таҷдиди роҳҳои Вазорати нақлиёт ва паймонкори лоиҳа ширкати синзянии сохтмони роҳҳои «Xinjiang Communications Construction Group Co., LTD»-и  Ҷумҳурии Мардумии Чин мебошад.

Айни ҳол  182 сутунпояи эстакадаи мазкур  насб гардида, корҳои оҳану бетонии пули дусатҳа дар буриши хиёбони Нусратулло Махсум бо кӯчаи Маяковский 50 дарсад ба охир расидаанд. Аз 96 сутунпояи пули буриши хиёбони Нусратулло Махсум бо кӯчаи Баҳоваддинов 16–тояш васл гардидааст. Ҳамчунин, гузарондани барқи 10-киловатта ва васли обпарто қисман иҷро гашта, миқдори корҳои бетонӣ зиёда аз 70 метри мукаабро дар бар мегирад. Дар маҷмӯъ дар масоҳати зиёда аз 20 метри мукааб корҳо ба анҷом расидаанд.

Шумо дар Хабари-рӯз
  •  << 
  •  < 
  •  1 
  •  > 
  •  >> 
саҳ 1 аз 2

Хабари-рӯз

Календар

« Ноябрь 2018 »
Пн Вт Ср Чт Пт Сб Вс
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Минбари сардабир

  • ДАВоДАВ

    Масофаи роҳ бо машинае, ки 150 ҳазор доллар нарх дорад…

Нигоҳи хос

  • Шӯро

    Ҳафтаи сипаригашта ду ниҳод - Вазорати фарҳанг ва Кумитаи забон…
  • «Шамол»-и Худо

    Инак, моҳи аввали фасли дай фаро расид. Инак, мавсими «рустшавак»…

Парадокс

Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ...
Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ба ...
Гуфтед? Мегӯянд! (№3
Бег САБУР, раиси Хадамоти алоқа:- Ман қарорамро бекор накардаам.Танз: Офарин ба Шумо, оғои Бег ...
Гуфтед? Мегӯянд! (№2
Аскар ҲАКИМ, Шоири халқии Тоҷикистон:- Дар замони шӯравӣ мо асареро пайдо намекунем, ки дар ...
Гуфтед? Мегӯянд! (№1
Абдуалим ИСМОИЛЗОДА, раиси шаҳри Қӯрғонтеппа Хонандаи беҳтарин- Кӯшиш мекунам ҳар рӯз лоақал ...

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.