.

Alternative flash content

Requirements

Get Adobe Flash player

Материалы отфильтрованы по дате: Панҷшанбе, 06 Сентябр 2018 - || ФАРАЖ

Мутахассиси маъруфи футбол Рашид Раҳимов, ки зодаи Тоҷикистон аст, сармураббии клуби футболи “Ахмат”-и шаҳри Грозний аз Ҷумҳурии Чеченистони Федератсияи Русия таъйин шудааст.

Роҳбари Чеченистон Рамзан Қодиров дар саҳифаи твиттери худ навишт: “Дӯстони гиромӣ! Мехоҳам ба шумо ва мухлисони клуби азизамон “Ахмат” хушхабар расонам: сармураббии клуб Рашид Раҳимов таъйин шуд”.

Раҳимов дар ин вазифа Игор Ледяховро, ки якшанбеи гузашта аз даста рафт, иваз кард. Баъди даври 6-ум “Ахмат” дар ҷадвали Премйер лига дар зинаи 9-ум қарор дорад.

Рашид Раҳимови 53-сола аз ин пеш ҳам таҷрибаи кор дар ин клубро дошта буд. Собиқ бозигари клуби футболи “Помир”-и Душанбе аз соли 2013 то 2017 дар клуби “Ахмат”, ки он вақт “Терек” ном дошт, ба ҳайси сармураббӣ кор карда буд. Дар мавсими 2016/17 даста бо Раҳимов дар ҷадвал ҷойи панҷумро гирифт, ки ин нишондоди беҳтарини клуби Чеченистон аст.

Шумо дар Хабари-рӯз

Дар таьрихи Тошканд нахустин бор маросими тантанавӣ бахшида ба 27- солагии истиқлолияти Ӯзбакистон мукофоти давлатии Ӯзбекистон ба шаҳрвандони хориҷӣ супорида шуд. Дар ин бора расонаи ӯзбекии Podrobno.uz. хабар дод.

“Имрӯз мардуми мо 27-солагии истиқлолияти Ҷумхурияти Ӯзбекистонро ҷашн мегиранд. Ин боиси хурсандист, ки дар таърихи кишвари мо ин санаи муҳимро дӯстони хориҷӣ ва шарикони ӯзбекистонӣ, аз ҷумла намояндагони корпуси дипломативу ташкилотҳои байналхалқӣ, ширкатҳои бузурги хориҷӣ ва муассисаҳои молиявӣ ҳамроҳи мо ҷашн мегиранд”, - гуфт президенти Ӯзбекистон.

Президенти Ӯзбакистон Шавкат Мирзиёев ба сарвазири Ҷумҳурии Тоҷикистон Коҳир Расулзода, вазири корҳои хориҷии кишвар Сироҷиддин Муҳиддинов ордени “Фидокорона хизматлари учун”-ро тақдим кард. Ҳамчунин, намояндагони фарҳанг, илм ва тандурустӣ, ки ба таҳкими дӯстии байни халқҳои Ӯзбекистон ва Тоҷикистон саҳми бузург гузоштаанд, унвонҳои ифтихорӣ гирифтанд.

Ҳамзамон приезиденти Ӯзбекистон муассис ва роҳбари ширкати  саҳҳомии русӣ USM Holding Алишер Усмоновро бо ордени “Эл-юрт ҳурмати”  қадрдонӣ намуд. Бо ордени “Дӯстлик” президенти ширкати русии СК “Лукойл”  Вагиту Алекперов сарфароз гардид. Инчунин, ба аъзои Раёсати ширкати Knauf Group of Companies in Germany Николаусу Кнауф орден дода шуд.

Шумо дар Хабари-рӯз

Дар шаҳри Душанбе – пойтахти Тоҷикистон аввалин эстакада – роҳи сеқабатаи замонавӣ ба истифода дода шуд, ки дар расми ифтитоҳи он президенти Тоҷикистон Эмомалӣ Раҳмон бо раиси шаҳри Душанбе Рустами Эмомалӣ дар маҳаллаи 82-юми пойтахт ширкат карданд.

Эстакадаи мазкур дар доираи амалишавии лоиҳаи “Беҳтар намудани ҳолати роҳи минтақавии Душанбе — Турсунзода, қитъаи роҳ аз буриши хиёбони Сино бо хиёбони Исмоили Сомонӣ то дарвозаи ғарбии шаҳри Душанбе” бунёд гардидааст.

Сохтмони ин эстакада 22 июли соли 2016 бо иштироки бевоситаи Эмомалӣ Раҳмон оғоз гардида буд. Муҳандисону роҳсозони варзидаи ватанӣ дар ҳамкорӣ бо ҳамтоёни хориҷии худ иншоотро дар муддат ду сол мавриди баҳрабардорӣ қарор доданд. Чорсӯи нав аз 3 сатҳ иборат буда, дар буриши хиёбони Нусратуло Махсум бо хиёбони Бобоҷон Ғафуров қарор дорад. Дар сатҳи дуввуми чорроҳа роҳи давродаврие бунёд шудааст, ки ҳаракати нақлиёт дар он тавассути нишонаҳои махсус роҳнамоӣ карда мешавад. Дар сатҳи сеюм аз самти шарқ ба ғарб кӯпрук бо дарозии 125 метр ва паҳноии 24,8 метр мегузарад.

Дар лоиҳаи сохтмони эстакада 4 роҳи зеризаминӣ низ бо дарозии умумии 236 метр барои роҳгузарон бунёд шудаанд.

Ҳаракати воситаҳои нақлиёт дар роҳи сеқабата бо нишонаҳои роҳ ва хатандозиҳо танзим мегардад. Баробари анҷоми дигар корҳои сохтмонӣ дар доираи лоиҳаи эстакада ҳамчунин такядеворҳои рӯизаминӣ бо дарозии 568 метр ва зеризаминӣ бо дарозии 480 метр бунёд шудааст.

Шумо дар Хабари-рӯз

Дар шаҳри Душанбе боз як ронанда, ки ғайриқонунӣ ба мусофрикашӣ машғул буду пиёдагардро дашному таҳқир ва ҳатто латукӯб кардааст, боздошт шуда ҷазои аъмолашро гирифтааст. Дар ин бора маркази матбуоти ВКД хабар дод.

4 сентябр шаҳрванд Олимов Шаҳром Ҳусейнович, соли таваллудаш 1993, сокини шаҳри Душанбе, бо ирсоли наворе аз раиси шаҳри Душанбе Рустами Эмомалӣ хоҳиш кардааст, ки нисбати ронандаи автомашинаи мусофиркашоне, ки ҳамсараш - ҷавонзани 22-сола, соҳиби 1 фарзандро дар наздикии бозори «Корвон»-и шаҳри Душанбе мавриди латукӯб қарор дода, бо дашномҳои қабеҳ шаъну шарафашро дар назди ҷамъият паст задааст, чора андешад.

Бо супориши бевоситаи раиси шаҳр мақомоти милитсияи шаҳри Душанбе вазифадор ва масъул гардиданд, ки ҳодисаи мазкурро пайгирӣ ва чораандешӣ кунанд. Дар натиҷаи гузаронидани чорабиниҳои оперативӣ-ҷустуҷӯӣ кормандони милитсия субҳи 5 сентябр автомашинаи дар навор сабтгардида, тамғаи «Опел-Астра», аломати қайди давлатиаш 6792НА01-ро боздошт ва ба Раёсати ВКД дар шаҳри Душанбе оварданд. Зимни санҷиш муайян гардидааст, ки автомашинаи номбурда ба «қаҳрамони» дар навор зикргардида, шаҳрванд Олимов Рустам Ҳасанович, соли таваллудаш 1993, истиқоматкунандаи шаҳри Душанбе, ноҳияи Фирдавсӣ, кӯчаи Назаршоев тааллуқ дошта, номбурда ҳангоми фаъолияти ғайриқонунии мусофиркашонӣ ва ҳаракат тариқи роҳи пиёдагарди назди бозори «Корвон» бар замми оне, ки ба ҷавонзани пиёдагард роҳ надодааст, боз аз автомашина фаромада нисбати ҷавонзани 22-сола бо алфози қабеҳ дашному ҳақорат дода, дар ҳузури атрофиён бо дастонаш ба ду тарафи рӯи ҷавонзан ду маротиба задааст.

Зимни пурсиши ҷавонзани муроҷиаткунанда ва ронандаи боздоштшуда ҳолати ҳодиса муайян карда шуда, ронандаи бадахлоқ ҳангоми додани баёнот барои содир намудани кирдорҳои ғайриахлоқиву ғайриҳуқуқиаш пурра иқрор гардидааст. Дар натиҷа нисбати ҳуқувайронкунанда бо дастрасии моддаи 460-и Кодекси ҳуқуқвайронкунии маъмурии Ҷумҳурии Тоҷикистон (майдаавбошӣ) парвандаи маъмурӣ тартиб дода шуда, барои баррасӣ ба Суди ноҳияи Фирдавсии шаҳри Душанбе ирсол карда шудааст.

5 сентябр бо ҳукми Суди ноҳияи Фирдавсӣ барои кирдори майдаавбошӣ нисбати ҳуқуқвайронкунанда Рустам Олимов ҷазо дар намуди ҳабси маъмурӣ ба муҳлати 12 шабонарӯз таъин ва ба корҳои ҷамъиятӣ ҷалб карда шудааст.

Илова бар ин, нисбати ронандаи автомашинаи мазкур шаҳрванд Олимов Рустам Ҳасанович барои бе гирифтани иҷозатномаи мақомоти ваколатдори давлатӣ ба мусофиркашонӣ машғул гардидан нисбати ӯ бо дастрасии моддаи 510 Кодекси ҳуқуқвайронкунии маъмурии Ҷумҳурии Тоҷикистон низ протоколи маъмурӣ тартиб дода шуда, барои чоруҷӯӣ ба мақомоти Суд ирсол карда шуд. Тибқи муқаррароти моддаи мазкур ҷазо дар намуди ҷарима ба андозаи аз 500 то 1000 сомонӣ ронандаро таҳдид мекунад.

Чанде пеш як ронандаи дигар ҳам бо ҷурми вайрон кардани тартиботи ҷамъиятӣ ва дашноми як зан боздошт ва муҷозот шуда буд.

Шумо дар Слайд
  •  << 
  •  < 
  •  3 
  •  > 
  •  >> 
саҳ 3 аз 3

Хабари-рӯз

Календар

« Сентябрь 2018 »
Пн Вт Ср Чт Пт Сб Вс
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Минбари сардабир

  • симКАРта

    Дар ҳафтае, ки гузашт, дар шабакаҳои иҷтимоӣ ин калима аз…

Нигоҳи хос

Парадокс

Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ...
Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ба ...
Гуфтед? Мегӯянд! (№3
Бег САБУР, раиси Хадамоти алоқа:- Ман қарорамро бекор накардаам.Танз: Офарин ба Шумо, оғои Бег ...
Гуфтед? Мегӯянд! (№2
Аскар ҲАКИМ, Шоири халқии Тоҷикистон:- Дар замони шӯравӣ мо асареро пайдо намекунем, ки дар ...
Гуфтед? Мегӯянд! (№1
Абдуалим ИСМОИЛЗОДА, раиси шаҳри Қӯрғонтеппа Хонандаи беҳтарин- Кӯшиш мекунам ҳар рӯз лоақал ...

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.