.

Alternative flash content

Requirements

Get Adobe Flash player

Материалы отфильтрованы по дате: Панҷшанбе, 09 Август 2018 - || ФАРАЖ

Маркази ҷумҳуриявии пешгирӣ ва мубориза бар зидди Вируси норасоии масъунияти одам ВНМО (ВИЧ) мегӯяд, ташхис нишон додааст, ки ягон нафар аз мардони бо зан дар алоқабуда, сироят наёфтаанд. Дар ин бора АМИТ Ховар иттилоъ медиҳад.      

“Таҳлилҳо нишон доданд, ки ягон нафар аз мардони бо ӯ дар алоқабуда сироят наёфтаанд ва ҳангоми ташхиси имуноферментӣ сироятнок будани онҳо низ исбот нашуд. Новобаста аз ин  шахсони номбурда таҳти назорат қарор доранд”,-гуфтааст муовини директори Муассисаи давлатии «Маркази ҷумҳуриявии пешгирӣ ва мубориза бар зидди Вируси норасоии масъунияти одам ВНМО (ВИЧ) Д. Сайбурҳонов

Ба гуфтаи номбурда, тибқи қонунгузории Ҷумҳурии Тоҷикистон шахсе, ки гирифтори ВНМО аст ва шахсе, ки дидаву дониста нафари дигарро ба ин беморӣ мубтало месозад, ба муҷозот кашида мешавад.

«Мо нисбат ба ҳолате, ки дар ноҳияи Шаҳритус ба амал омад, таҳлилҳо гузаронидем. Натиҷаҳо нишон дод, ки ин зан бо ВНМО таи чанд сол зиндагӣ мекунад. Аз ҳолати сироятнок будани худ огоҳ аст. Таҳти назорати диспансерӣ қарор дошт ва новобаста аз ин саломатии дигар нафаронро таҳти хатар гузошт. Яъне, номбурда бо расонидани хизматҳои шаҳвонии тиҷоратӣ машғул будааст»,- зикр намуд Д. Сайбурҳонов.

Ба иттилои ӯ, тибқи банди 1, моддаи 125-и Кодекси ҷиноятии ҶТ, ҳолати мазкур ҳамчун ҷиноят арзёбӣ мегардад. Аз ин сабаб зане, ки дар боло гуфтем, тибқи қонунгузории имрӯзаи мамлакат ба ҷавобгарии ҷиноятӣ кашида шудааст.

«Бояд зикр намуд, ки ин зан ҳангоми алоқаи зич доштан бо мардон қоидаҳои эмин мондан аз сироятёбиро риоя кардааст. Яъне,  ӯ зери табобати доимӣ қарор дошта, воситаҳои дорувориро мунтазам истифода менамудааст. Дар сурате, ки шахс аз табобат бархӯрдор аст ва сарбории вирусӣ паст аст, хатари интиқол то ба сифр кам мешавад. Илми ҷаҳонӣ исбот намудааст, ки дар сурати паст шудани сарбории вирусӣ интиқол умуман сурат намегирад», - гуфт Сайбурҳонов.

Тибқи иттилои Ассотсиатсияи байналмилалии тандурустӣ, дар ҷаҳон  беш аз 42 миллион нафар мубталои ВНМО мебошад, ки ин рақам ҳар рӯз аз 14 то 15 ҳазор зиёд шуда истодааст. Аксарияти одамони гирифтори ВНМО ҷавонони синни то 30-сола мебошанд. Дар давоми 25 соли охир БПНМ (СПИД) боиси марги 25 миллион нафар шудааст.

Шумо дар Слайд

Роҳбарияти ширкати «Барқи тоҷик» сабаби зуд-зуд иваз шудани роҳбарони шабакаҳои барқро дар навоҳии кишвар шарҳ  дод. Бино ба қавли роҳбари ШСХК «Барқи тоҷик» Исмоилзода Мирзо, иҷро накардани нақшаи ҷамъоварии маблағи нерӯи барқ аз аҳолӣ яке аз омилҳои аз кор озод шудани сардорони шабакаҳои барқ дар ноҳияҳо будааст.

- Ҷамъоварии маблағи нерӯи барқ яке аз масъалаҳои ташвишовар барои вазъи молиявии ширкати «Барқи тоҷик» мебошад. Агар мо маблағи истифодашудаи барқро ба пуррагӣ ҷамъоварӣ накунем, нақшаҳои дар ҳолати коршоям нигоҳ доштани таҷҳизотҳои асосии ширкат ва хизматрасониҳои саривақтӣ ба аҳолиро, иҷро карда наметавонем. Дар ҳақиқат ҳолатҳое вуҷуд доранд, ки сардорони шабакаҳои барқ пайи ҳам иваз карда шуданд. Яке аз ин ҳолатҳо дар ноҳияи Панҷ буд. Мо ҳар семоҳа ва шашмоҳа ҷаласаҳои васеи ширкатро баргузор мекунем ва яке аз масъалаҳои асосии он ҷамъоварии маблағи барқ аст. Ҳангоми таҳлилу баррасии вазъ он роҳбаронеро, ки дар иҷрои вазифаи хизматии худ саҳлангорӣ мекунад ва раванди ҷамъоварии маблағи истифодашудаи нерӯи барқро аз аҳолӣ дар сатҳи паст қарор медиҳанд, маҷбур мешавем, аз вазифа барканор кунем ва ба ҷои онҳо нафари қобилиятноки дигарро пешниҳод мекунем. Сабаби асосии ивазшавии сардорон ҳамин аст,- гуфт раиси ширкати «Барқи тоҷик» Исмоилзода.

Бино ба гуфтаи раиси «Барқи тоҷик», дар шашмоҳаи соли ҷорӣ маблағи ҷамъоварии қувваи барқ дар ширкат 84 дарсад таъмин карда шудааст, ки ба талабот ҷавобгӯ нест.

Исмоилзода иброз дошт, ки миёни кормандон озмун баргузор карда мешавад ва шахсони қобилиятноку кордон ҳамчун роҳбар ба шабакаҳои барқ қабул мешаванд.

Исмоилзода ҳамчунин, овозаҳоро дар мавриди азхудкунии маблағҳои ҷамъовардашуда ва ба манфиати шахсӣ истифода кардани он аз ҷониби сардорони шабакаҳои барқ дар навоҳии дурдаст рад намуда гуфт, то ҳануз чунин ҳолат аз ҷониби мақомот ошкор нашудааст.

Бино ба гуфтаи Исмоилзода, ҳар ду сол аз ҷониби Агентии назорати давлатии молиявӣ ва мубориза бо коррупсия дар ширкати «Барқи тоҷик» санҷиш гузаронида мешавад, ки ба ин монанд қонунвайронкунӣ ба қайд гирифта нашудааст.   

Шумо дар Слайд

Ин тобистон дар вилояти Хатлон ва НТМ боз 7 маркази хизматрасонӣ дарҳои худро ба рӯи муштариёни ширкати Tcell боз карданд. Барои ҳар як мизоҷ иртибот бо ширкат бояд дуруст ва саривақт роҳандозӣ шавад ва ин амал маҳз аз маркази хизматрасонӣ оғоз меёбад. Чунин марказҳои хидматрасонӣ бо таҷҳизоти пешрафтаву муосир дар шаҳрҳои Бохтар (собиқ Қӯрғонтеппа) Норак, Кӯлоб ва навоҳии Балҷувону Ҳисору Ваҳдат муштариёнро истиқбол менамоянд.   

Тибқи дурнамои рушди Tcell, талаботи ҳар як муштарӣ дар мадди аввал қарор дорад, аз ин рӯ ширкат шабакаҳои хидматрасониашро зиёд мекунад. Теъдоди онҳое, ки алоқаи боэътимодро аз Tcell гирифтанианд, ҳамарӯза меафзояд, зимнан ширкат аз ин истиқболи гарми муштариён дар канор намемонад ва дар посух хидматрасониро беҳтар ба роҳ мемонад.

Таври мисол, дар шаҳри Норак, ки аҳолиаш қариб 30 ҳазор нафарро ташкил медиҳад, 2 маркази нави хизматрасонии Tcell дар минтақаҳои барои сокинон мувофиқ- дар шафати бозор ва идораи шӯъбаи андоз ба фаъолият пардохтанд.

Дар ноҳияи Балҷувони вилояти Хатлон низ маркази хизматрасонӣ дар наздикии бозори марказӣ- мавзеъи барои сокинон ошнову мувофиқ ифтитоҳ гардид. Муштариёни ширкат аз ин ба баъд роҳи дурро тай накарда, дар ин ҷо аз мутахассисон машварат мегиранд, ба шабака пайваст мешаванд ва дигар ниёзҳои иртиботиашонро бароварда месозанд.

Дар марказҳои ҷадиди хизматрасонии ширкати Tcell кормандони ҳирфаии баландихтисос, ки давраи бозомӯзиро гузаштаанд, фаъолият менамоянд. Муштариён метавонанд дар марказҳои мазкур ба ҳама пурсиши худ посух бигиранд, мушкилоти техникии иртиботашонро рафъ созанд, симкорти Тсеll-ро фаъол намоянд ва ё ба тавозунашон маблағ гузаронанд, барномаи “Чӣ гап”-ро барои суҳбат бо наздиконашон пайваст намоянд

Марказҳои ҷадиди хизматрасонии ширкати Tcell-ро дар вилояти Хатлон ва НТМ бо суроғаву нишонии зерин пайдо кардан мумкин аст:  

         Ноҳияи Балҷувон- ҷамоати С. Амиршоев, деҳаи Саримазор (дар рӯ ба рӯи бозор)

         Норак - к. Рӯдакӣ 20, дар наздикии шӯъбаи андоз

         Норак - к. Рӯдакӣ, дар шафати бозори Сомониён

         Кӯлоб – к. Исмоили Сомонӣ 20, назди меҳмонхонаи «Чинор»

         Бохтар (Қӯрғонтеппаи пешин) – наздикии пойгоҳи ҳарбӣ

         Ҳисор - к. Исмоили Сомонӣ №2, наздикии фурӯшгоҳи марказӣ

         Ваҳдат - н. Рӯдакӣ, дар бинои кинотеатр (бозори Стансия)

То имрӯз марказҳои хизматрасонии ширкати Tcell дар ҳама шаҳрҳои бузурги Тоҷикистон ифтитоҳ гардида, барои муштариён дар сатҳи олӣ хидмат мерасонанд.

Шумо дар Хабари-рӯз

Дар намозҳои панҷвақтаи Ӯзбекистон имомҳои масҷид дар бораи ҳаром будани худкушӣ мавъиза мекунанд. Ба гуфтаи ходимони дин дар шаҳри Тошканд ва вилоятҳои дигари Ӯзбекистон аз Кумитаи дин дастур гирифтаанд, ки дар ин мавзуъ мавъиза кунанд.

«Сабаби ин мавъизаҳои мо дар он аст, ки дар кишвар шумори худкушиҳо афзудааст. Ислом худкуширо манъ мекунад. Заифии имон боис мешавад, ки одамон худкушӣ кунанд», - гуфтааст ёвари имоми масҷиди «Сироҷ Солеҳ».

Дар ҳамин ҳол, бархе аз имомони дигар дастур гирифтаанд, ки хона ба хонаи сокинон гарданд ва гуноҳи кабира будани худкуширо фаҳмонанд. «Давоми ду моҳи охир дар Ӯзбекистон шумори худкушиҳо афзудааст ва мо ба имомон дастур додем, ки дар намозҳои панҷвақта дар ин мавзуъ суҳбат кунанд. Мо дар мубориза зидди падидаи худкушӣ аз шеваҳои дигар ҳам кор мегирем, масалан, навори видеоӣ нашр мекунем, мақола менависем», - гуфтааст намояндаи шуъбаи кор бо созмонҳои динӣ ва имомхатибони масҷидҳои Кумитаи кор бо дини Ӯзбекистон.

Бино ба иттилои расмӣ, дар Ӯзбекистон аз миёни 100 ҳазор сокин ҳамасола 6 нафар худкушӣ мекунанд, аммо бино бар омори ғайрирасмӣ афроди бештаре ҳамасола худкушӣ мекунанд.

Шумо дар Хабари-рӯз
  •  << 
  •  < 
  •  1 
  •  > 
  •  >> 
саҳ 1 аз 3

Хабари-рӯз

Календар

« Август 2018 »
Пн Вт Ср Чт Пт Сб Вс
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Минбари сардабир

  • симКАРта

    Дар ҳафтае, ки гузашт, дар шабакаҳои иҷтимоӣ ин калима аз…

Нигоҳи хос

  • «РИСК»

    Ба назар чунин мерасад, ки нависандагони мо ба «бемории хомӯшӣ»…
  • Чаро бояд китоб хонд?

    Инсон дар таърих ду кашфиёти бузург дорад: яке ҳунари ноширӣ,…

Парадокс

Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ...
Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ба ...
Гуфтед? Мегӯянд! (№3
Бег САБУР, раиси Хадамоти алоқа:- Ман қарорамро бекор накардаам.Танз: Офарин ба Шумо, оғои Бег ...
Гуфтед? Мегӯянд! (№2
Аскар ҲАКИМ, Шоири халқии Тоҷикистон:- Дар замони шӯравӣ мо асареро пайдо намекунем, ки дар ...
Гуфтед? Мегӯянд! (№1
Абдуалим ИСМОИЛЗОДА, раиси шаҳри Қӯрғонтеппа Хонандаи беҳтарин- Кӯшиш мекунам ҳар рӯз лоақал ...

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.