.

Alternative flash content

Requirements

Get Adobe Flash player

Материалы отфильтрованы по дате: Сешанбе, 07 Август 2018 - || ФАРАЖ

Имрӯз соати 6-и субҳ 6 анбори нигаҳдории масолеҳи сохтмонии назди бозори Баракат дар ноҳияи Бобоҷон Ғафуров ба коми оташ рафтааст.

Дар ин бора tajikistantimesнавишта хабар дод, ки бино ба гуфти сардори нуқтаи таъминоти РХДО-и вилояти Суғд майори хизмати дохилӣ Султон Исломов масоҳати умумии сухтор 900 метри мураббаъро ташкил додааст.

- Соати 5:57 дақиқа ба мо занги телефонии посбони анборҳо шуд, ки сӯхтор сар задааст. Тамоми гурӯҳҳо ва  бо 10 мошини сӯхторхомушкунӣ ва дигар нақлиёти ёрирасон барои обкашонӣ ҷалб шуданд, ки дар давоми 1 соату 10 дақиқа оташ пурра хомуш карда шуд, - гуфтааст  Султон Исломов.

Гуфта мешавад, ки сӯхтор дар анборҳое ба чуҷуд омадааст, ки аслан масолеҳи сохтмонӣ нигаҳодорӣ шуда, бештари ин анборҳо ба тоҷирони истаравшанӣ марбут будааст.

Сабабҳои оташсӯзӣ расман эълон нашудааст, аммо ҳадс зада мешавад, ки дар натиҷаи беэҳтиётӣ аз асбобҳои маишӣ ба вуҷуд омадааст ва хисороти он наздики 3 миллион сомонӣ тахмин карда мешавад.

Шумо дар Хабари-рӯз

Директори Маркази миллии тестӣ Хуршед Икромӣ мегӯяд, шумораи довталабоне, ки бо камбуди ҳуҷҷатҳои худ аз имтиёз маҳрум шудаанд, хеле кам ба назар мерасад. “Имтиёзҳо фақат ба довталабоне, ки онҳо ятими кулл бошанд, маъюби гурӯҳи 1-2 ҳастанду  ба синни 18 нарасидаанд, нафароне, ки дар сафи қувваҳои мусаллаҳ хизмат кардаанд, инчунин онҳое, ки соҳиби дастовард шудаанд, дода мешавад”,- ин нуқтаро директори марказ зимни нишасти матбуоти ба хабарнигорон иброз намуд.

Бино ба иттилои директори Маркази миллии тестии  назди Президенти Ҷумҳурии Тоҷикистон шумораи довталабони маъюб дар соли ҷорӣ ба 377 нафарро ташкил медиҳад, ки аз онҳо 18 нафарро маъюбони гурӯҳи 1, 180 нафарро маъюбони гурӯҳи 2 ташкил медиҳанд, ки холҳои имтиёзии довталабони маъюб 50 холлро ташкил медиҳад. Инчунин, кори хаттӣ дар гурӯҳи ихтисосҳои 3-юм ворид шуда, дастӣ санҷида мешавад, ин ба довталаб имкон медиҳад, ки соҳиби 50 холи изофагӣ гардад.

Шумораи умумии довталабон дар доираи гурӯҳи ихтисосҳои 1-ум 16671 нафар, гурӯҳи ихтисосҳои 2-юм 17472 нафар, гурӯҳи ихтисосҳои 3-юм 17017 нафар, гурӯҳи ихтисосҳои  4-ум 9996 нафар, гурӯҳи ихтисосҳои 5-ум 34661 нафарро ташкил медиҳанд.

Аз шумораи умумии довталабони бақайдгирифта 54275 нафарашон писарон ва 41542 нафарашон духтарон мебошанд, ки нисбат ба соли гузашта шумораи духтарони аз қайдгузашта дар ИМД-2018 нисбат ба ин нишондиҳанда ИМА-2017 1,13 фоиз камтар ва нисбат ба ин нишондиҳанда ИМД-2016 1,08 фоиз бештар аст.

Қайд кардан бамаврид аст, ки 47 марказҳои имтиҳонии шаҳру ноҳияҳои ҷумҳурӣ аз ҷумла, Исмоили Сомонӣ, Сино, Фирдавсӣ, Шоҳмансур, Рашт, Хуҷанд, Истаравшан, Конибодом, Панҷакент,Бобоҷон Ғафуров, Бохтар, Кӯлоб, Восеъ, Данғара, Кӯшониён, Ҷалолиддини Балхӣ, Шаҳритус ва Хоруғ ба нақша гирифта шудааст. Дар чор ноҳияи шаҳри Душанбе 16, ноҳияи Рашт 1, вилояти Суғд 11, Вилояти Хатлон 18 ва вилояти мухтори Кӯҳистони Бадахшон 1 маркази имтиҳонӣ ташкил карда шуд. Лозим ба зикр аст, ки дар ноҳияи Кӯшониён имсол бори аввал маркази имтиҳонӣ ташкил карда шудааст.

Шумо дар Хабари-рӯз
Сешанбе, 07 Август 2018 10:57

Куштор барои сечарха

5-уми августи соли 2018, аз соҳили дарёи Вахш, воқеъ дар ноҳияи Хуросон, ҷасади марди 44-сола бо аломатҳои марги маҷбурӣ дарёфт гардидааст.

Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 18-солаи сокини ноҳияи Абдураҳмони Ҷомӣ ҳамчун гумонбар дар содир намудани ҷинояти одамкушӣ дастгир карда шудааст.

Номбурда санаи 1-уми августи соли 2018, тахминан соати 13:00, бо мақсади куштан ва аз худ кардани сечархаи барқии марди 44-солаи сокини деҳаи Хушобиёни ноҳияи Кӯшониён, ӯро бо роҳи фиреб ба ҷамоати шаҳраки Бохтариёни соҳили дарёи Вахш, дур аз маҳаллаи аҳолинишин бурда, бо корд ба қатл расонида, барои рӯйпӯш намудани ҷиноят ҷасадро ба дарёи Вахш партофтааст.

Баъдан, сечархаи марди кушташударо гирифта аз ҷойи ҳодиса ғайб задааст.

Аз рӯи ин ҳодиса парвандаи ҷиноятӣ оғоз гардида, тафтишот идома дорад.

Шумо дар Хабари-рӯз
Сешанбе, 07 Август 2018 10:53

Роҳзанҳо дар Кӯлоб ва Ҳисор

Маркази матбуоти Вазорати корҳои дохилӣ аз роҳзанӣ дар шаҳрҳои Кӯлобу Ҳисор хабар дод, ки ҷинояткорон бо истифодаи корд ва зӯрӣ аз шаҳрвандон телефону пулашонро рабудаанд.

Ба ШВКД дар шаҳри Кӯлоб марди 23-солаи сокини ҷамоати деҳоти Даҳанаи шаҳри мазкур дар он хусус муроҷиат намудааст, ки рӯзи 6-уми августи соли 2018, тахминан соати 12:00, ҳангоми дар бозори “Саховат”-и шаҳри Кӯлоб қарор доштанаш, ҷавони 19-солаи сокини ҳамин шаҳр, донишҷӯ, ӯро ба пушти бинои маркази савдои “Олами кӯдакон” бурда, бо корд як маротиба ба рони пояш задааст. Сипас аз дасташ 1-адад телефони мобилии тамғаи “Самсунг Галакси 3”-ро зада гирифта, аз ҷойи ҳодиса ғайб задааст. Дар натиҷа, ҷабрдида ҷароҳати ҷисмонӣ бардошта, дар беморхона бистарӣ гардидааст.

Ҷавони гумонбар дар содир намудани ҷинояти роҳзанӣ аз ҷониби кормандони милитсия дастгир гардида, тафтиши ин ҳодиса идома дорад.

Ба ШВКД дар шаҳри Ҳисор марди 28-солаи сокини шаҳри мазкур муроҷиат намудааст, ки санаи 4-уми августи соли 2018, тахминан соатҳои 02:30, дар кӯчаи Турсунзодаи шаҳри мазкур шахсони номаълум ӯро лату кӯб намуда, бо роҳи зӯроварӣ аз ҷайбаш 1400 сомониро гирифта, аз ҷойи ходиса ғайб задаанд.

Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 30-сола ва ҷавони 22-солаи сокинони шаҳри мазкур ҳамчун гумонбар дар содир намудани ҷинояти ғоратгарӣ дастгир карда шуданд.

Аз рӯи ин ҳодиса тафтишот идома дорад.

Шумо дар Хабари-рӯз
  •  << 
  •  < 
  •  1 
  •  > 
  •  >> 
саҳ 1 аз 2

Хабари-рӯз

Календар

« Август 2018 »
Пн Вт Ср Чт Пт Сб Вс
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Минбари сардабир

  • симКАРта

    Дар ҳафтае, ки гузашт, дар шабакаҳои иҷтимоӣ ин калима аз…

Нигоҳи хос

  • «РИСК»

    Ба назар чунин мерасад, ки нависандагони мо ба «бемории хомӯшӣ»…
  • Чаро бояд китоб хонд?

    Инсон дар таърих ду кашфиёти бузург дорад: яке ҳунари ноширӣ,…

Парадокс

Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ...
Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ба ...
Гуфтед? Мегӯянд! (№3
Бег САБУР, раиси Хадамоти алоқа:- Ман қарорамро бекор накардаам.Танз: Офарин ба Шумо, оғои Бег ...
Гуфтед? Мегӯянд! (№2
Аскар ҲАКИМ, Шоири халқии Тоҷикистон:- Дар замони шӯравӣ мо асареро пайдо намекунем, ки дар ...
Гуфтед? Мегӯянд! (№1
Абдуалим ИСМОИЛЗОДА, раиси шаҳри Қӯрғонтеппа Хонандаи беҳтарин- Кӯшиш мекунам ҳар рӯз лоақал ...

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.