.

Alternative flash content

Requirements

Get Adobe Flash player

Материалы отфильтрованы по дате: Ҷумъа, 02 Ноябр 2018 - || ФАРАЖ

Дар арафаи ҷашни Конститутсияи Ҷумҳурии Тоҷикистон, ки ҳамасола рӯзи 6-ноябр дар кишварамон таҷлил мегардад, 50 нафар ҷавони фаъоли шаҳри Душанбе аз Маҷлиси намояндагон дидан карданд.

Дар назди  ҷавонони мамлакат вакилони Маҷлиси намояндагон Бахтовар Сафарзода,  Баҳром Абдуалимов,  Насиба Содиқова ва мудири шуъбаи ҳуқуқи Дастгоҳи Маҷлиси намояндагон  Қобилҷон Абдуқодиров баромад намуда, роҷеъ ба фаъолияти парлумони касбии ҷумҳурӣ, таҳия ва қабули қонунҳо,  кор дар кумитаҳои Маҷлиси намояндагон маълумоти мукамал доданд.

Баромадкунандагон ҳамчунин таъкид намуданд, ки  дар Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон махсус таъкид шуд, ки: «кишвари мо роҳи эъмори ҷомеаи ҳуқуқбунёдро интихоб намудааст, ки яке аз ғояҳои асосии он таъмини волоияти қонун ва ҳифзи ҳуқуқу озодиҳои инсон ва шаҳрванд мебошад.

Принсипи мазкур тақозо менамояд, ки муносибатҳои ҷамъиятӣ дар ҳамаи соҳаҳо тавассути қонунҳое танзим шаванд, ки ҷавобгӯйи меъёрҳои ахлоқ ва адолату инсондӯстӣ бошанд».

Ҳамчунин Пешвои  миллат, зимни суханрониҳояшон иброз намуданд, ки «Конститутсия ба сифати қонуни олӣ заминаҳои ҳуқуқии пешрафти ҷомеаро аз тариқи қабули қонунҳои нав гузошта, муносибатҳои ҷамъиятии мухталифро таҳти танзим қарор медиҳад».

Дар Тоҷикистон аз соли 1929 то ба имрӯз, 5 маротиба, яъне дар солҳои 1929, 1931, 1937, 1978 ва 1994 Конститутсияҳои гуногун қабул гардида, Конститутсияи нави амалкунандаи Ҷумҳурии Тоҷикистон аз конститутсияҳои гузашта кулан фарқ дорад. Меъёрҳои он мустақиман амал мекунанд ва ба стандартҳои санадҳои меъёрии ҳуқуқии байналмилалӣ комилан ҷавобгӯ мебошанд. Ёдовар мешавем, ки Конуститутсияи Ҷумҳурии Тоҷикистон аз ҷумлаи панҷ конститутсияи демократитарини кишварҳои ҷаҳон эътироф шуда, ба он се маротиба (солҳои 1999, 2003 ва 2016) бо роҳи раъйпурсии умумихалқӣ тағйиру иловаҳо ворид гардидааст.

Дар анҷоми мулоқот вакилони Маҷлиси намояндагон ба саволҳои сершумори ҷавонони фаъоли шаҳри Душанбе посух гуфтанд.

Ҷавонон ҳамчунин аз толори баргузории ҷаласаҳои Маҷлиси намояндагон, толори баргузории ҷаласаҳои якҷояи Маҷлиси Миллӣ ва Маҷлиси намояндагон ва китобхонаи ин мақоми олии қонунбарор дидан намуданд.

Ба ҳар яке аз ҷавонон, чун рамзи хотира аз ин даргоҳи муқаддас, тӯҳфаҳои хотиравӣ супурда шуд.

Шумо дар Хабари-рӯз

Дар деҳаи Сафедтундаки ноҳияи Рашт панҷ чорво, ки ҷамъ 17 000 сомонӣ арзиш доштаанд, дар як шаб дуздида шудаанд. Дар ин бора маркази матбуоти ВКД хабар дод.

Ба РВКД дар минтақа ва ноҳияи Рашт марди 59-солаи сокини деҳаи Сафедтундаки ноҳияи мазкур муроҷиат намудааст, ки шаби 11 ба 12-уми октябри соли 2018, шахсони номаълум бо роҳи пинҳонӣ вориди оғилхонааш шуда, аз он ҷо 5 сар чорвои калони шохдор, ки арзишашон 17000-сомониро ташкил медиҳад, дуздидаанд.

Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ду марди 24-солаи сокинони ноҳияи мазкур бо ҷурми дуздӣ дастгир карда шудаанд.

Шумо дар Хабари-рӯз

Ширкатҳои Тоҷикистон дар баробари садҳо ширкати дигар аз саросари ҷаҳон маҳсулоти худро ба Намоишгоҳи байнулмилалии воридотии Чин (China International Import Expo (CIIE) мебаранд. Ин имконияти нодир барои Тоҷикистон бо маблағгузории Ҳукумати Швейтсария дар чаҳорчӯбаи Барномаи ҷаҳонии нассоҷӣ ва дӯзандагии Маркази тиҷоратии байнулмилалӣ (МТБ) фароҳам омадааст.

Намоишгоҳи байнулмилали воридотии Чин (CIIE), ки аз 5-ум то 10-уми ноябри соли 2018 дар шаҳри Шонҳой баргузор мегардад, ибтикори Ҳукумати Чин дар сатҳи баланд мебошад. Дар он намояндагони ниҳодҳои ҳукуматӣ, ҳамкорони рушд, доираҳои тиҷоратӣ аз 100 кишвари дунё иштирок мекунанд. Дар маҷмӯъ, интизор меравад, ки 150 000 нафар аз Чин, дувумин кишвари истеъмолкунанда ва воридоткунандаи ҷаҳон, ва кишварҳои дигар аз ин намоишгоҳ боздид бикунанд. Аз ин рӯ, намоишгоҳи CIIE барои лидерони соҳаи нассоҷӣ ва дӯзандагии тоҷик имконияти нодиреро барои шиносоӣ бо бозори чиноӣ ва барқарорсозии тамосҳои тиҷоратӣ бо харидорони чиноӣ фароҳам меорад.

Ҳайъати Тоҷикистон аз корхонаҳои зерини нассоҷӣ ва дӯзандагӣ иборат аст: “Ваҳдат”, “Файзи Истиқлол-2011”, “ХИМА Текстил”, “Лидер”, “Oртекс”, “Раҳимов А.А.”, ва “Спитамен Текстайлз”. Ин ширкатҳо дар Шонҳой маҳсулоти худро ба намоиш мегузоранд, бо харидорони эҳтимолӣ тамос барқарор мекунанд ва ба бозори Чин роҳ меҷӯянд. МТБ дар ҳамкорӣ бо ширкатҳои консалтингии ҳамкор корхонаҳои интихобшударо барои иштирок дар намоишгоҳҳои байнулмилалӣ омода карда, онҳоро бо талаботи бозори Чин шинос мекунад. Коршиносони МТБ дар ҷараёни чорабинӣ бо машваратҳои худ омодаи ёрирасонӣ буда, дар омода кардани девораҳои намоишӣ ва гуфтушунидҳои корӣ кӯмак мекунанд.

Дар шарҳи ин ибтикор, Аранча Гонсалез, мудири иҷроияи МТБ, мегӯяд: ‘МТБ аз ҳамкорӣ бо Чин дар роҳандозии нахустин намоишгоҳи CIIE, ки барои тиҷорат, ҳамкорӣ ва муколама дар самти ҷануб-ҷануб имконият фароҳам меорад, ифтихор дорад. Ширкатҳое, ки иштирокашонро дар намоишгоҳ мо дастгирӣ мекунем, имконият меёбанд, то ба бозори Чин роҳ ёбанд. Кишварҳои рӯбарушд аз ин намоишгоҳ бозорҳои нави содиротӣ дармеёбанд ва иқтидори рақобатпазирии худро боло мебаранд.’

Дар ҷамъ, МТБ иштироки 100 ширкати фаъол дар соҳаҳои гуногунро аз 20 кишвари дунё, аз ҷумла Қазоқистон, Қирғизистон, ва Тоҷикистон, дар ин намоишгоҳ дастгирӣ мекунад.

Шумо дар Хабари-рӯз

Дар 9 моҳи соли равон дар вилояти Хатлон 328 нафар кӯдак аз тарафи дигар оилаҳо ба фарзандхондӣ қабул гардидаанд, ки ин шумора нисбати ҳамин давраи соли гузашта 15 нафар зиёд аст.

Сурмутахасиси шуъбаи Раёсати асноди ҳолати шаҳрвандии Вазорати адлияи Ҷумҳурии Тоҷикистон дар вилояти Хатлон Мирсаидзода Ҳурумбӣ гуфт, ки теъдоди фарзандхондӣ баъди дастуру ҳидоятҳои роҳбари давлат афзоиш ёфтааст.

Ӯ гуфт, аз ҷониби шахсоне, ки солҳои тулонӣ бо ҳам зиндагӣ мекарданд,  вале соҳиби  фарзанд нашудаанд, аз хонаитнернатҳо ва дигар  ҷойҳо, кӯдаконе, ки аз падару модар маҳрум мондаанд, ба фарзандхондӣ қабул карда мешаванд.

Қайд карда шуд, ки бештари кӯдкони ба фарзондхондӣ гирифташуда аз хонаинтернет ва оилаҳои ниёзманд гирифта шудаанд. Оилаҳое, ки кӯдаконро ба фарзандхондӣ гирифтаанд, шароити хуб доранд ва ин тифлон дар руҳияи ватандорӣ ва бо меҳру муҳаббати сарпарастони худ ба воя мерасанд.

Манбаъ аз он изҳори нигаронӣ кард, ки дар 9 моҳи соли равон дар вилояти Хатлон 1762 ҳолати бекор кардани  ақди никоҳ ба қайд гирифта шудааст, ки аз ин шумора 431 оилааш аз надоштани фарзанд вайрон шудааст.

Ба фарзоандхондӣ гирифтани кӯдакон то андозае дар коҳиш додани бекоршавии ақди никоҳ мусоидат мекунад, зеро инҳо оилаҳое мебошанд, ки солҳои дароз якҷо умр ба сар бурдаанду соҳиби фарзанд нашуданд. Онҳо кӯдаконро ба фарзандхондӣ гирифта эҳсоси бефарзандии худро фаромуш мекунанд ва оилаи онҳо пойдор мемонад.  

Раҳмоналӣ Додархӯҷаев

Шумо дар Хабари-рӯз
  •  << 
  •  < 
  •  1 
  •  > 
  •  >> 
саҳ 1 аз 2

Хабари-рӯз

Календар

« Ноябрь 2018 »
Пн Вт Ср Чт Пт Сб Вс
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Минбари сардабир

  • симКАРта

    Дар ҳафтае, ки гузашт, дар шабакаҳои иҷтимоӣ ин калима аз…

Нигоҳи хос

Парадокс

Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ...
Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ба ...
Гуфтед? Мегӯянд! (№3
Бег САБУР, раиси Хадамоти алоқа:- Ман қарорамро бекор накардаам.Танз: Офарин ба Шумо, оғои Бег ...
Гуфтед? Мегӯянд! (№2
Аскар ҲАКИМ, Шоири халқии Тоҷикистон:- Дар замони шӯравӣ мо асареро пайдо намекунем, ки дар ...
Гуфтед? Мегӯянд! (№1
Абдуалим ИСМОИЛЗОДА, раиси шаҳри Қӯрғонтеппа Хонандаи беҳтарин- Кӯшиш мекунам ҳар рӯз лоақал ...

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.