.

Alternative flash content

Requirements

Get Adobe Flash player

Муроҷиати шаҳрвандон

Мо, 80 нафар аъзои хоҷагии деҳқонии «Саховат-2», деҳаи Боғчаи шаҳри Панҷакент ҳар як шумораи ҳафтаномаи «Фараж»-ро мехонем ва он дар мушкилотамон роҳнамо мебошад. Имрӯз бо умед ба шумо арз дорем, ки дар ҳалли мушкилие ба мо кӯмак расонед. Шояд бо дастгирӣ ва мадади шумо як баҳси доманадор ба поён расад.

Баробари навиштани дарди дили худ, ба шумо маълум менамоем, ки бо қарори раиси шаҳри Панҷакент мӯҳтарам Х. Абдулназаров аз 21.05.2012 таҳти рақами 246 хоҷагии деҳқонии «Саховат-2» аз ҳисоби заминҳои хоҷагии деҳқонии «Ҳақиқат» ташкил карда шудааст. Ба хоҷагии деҳқонии «Саховат-2» аз ҳисоби заминҳои меросии якумраи хоҷагии деҳқонии «Ҳақиқат» қитъаи замин ба майдони умумии 853,68 га, аз он ҷумла, замини корами обӣ 6,55 га, замини корами лалмӣ 4,81 га, боғзор 0,65 га, тутзор 0,10 га, чарогоҳ 508,80 га, зери об 15,77 га, зери роҳ 1,69 га, дигар заминҳои ғайри кишоварзӣ 315,31 га барои ҳуқуқи истифодабарии якумра ҷудо карда шудааст. Дар ин бора аз 26-уми ноябри соли 2012 таҳти рақами 2994 сертификати ҳуқуқи истифодаи замин вуҷуд дорад, аммо 2,20 гектари ин заминро шахсони ба хоҷагӣ тааллуқ надоштаву дар ҷамоати деҳоти мо дар қайд набуда бо роҳҳои ошнобозӣ соҳиб шуда, ғайриқонунӣ истифода бурда истодаанд. Ин шахсон Азизов Муродулло, Мирзоев Исмат, Раҳмонов Турабой, Насруллоев Шамсиддин, Амиров Шодмон, Алиев Комил, Валиев Ёралӣ мебошанд, ки истиқоматкунандаи деҳаи Боғча нестанд ва дар қайди ҷамоати мо набудаву аъзои хоҷагии «Саховат-2» ҳам намебошанд.
Дар бораи ғайриқонунӣ истифода бурдани заминҳои хоҷагиҳои деҳқонии «Саховат-2» дар шаҳри Панҷакент ҳамаи масъулони шаҳр огоҳанд. Ҳатто Суди шаҳри Панҷакент 12-уми апрели соли 2016 ҳалномаи худро ба манфиати хоҷагии деҳқонии «Саховат-2» таҳти раисии муовини раиси Суди шаҳри Панҷакент Пулодӣ Таҳмина Сӯҳробзода баровардааст. Аз ҷумла, дар ҳалномаи суд омадааст: «Бо дастрасии моддаҳои 198-202-и Кодекси мурофиавии граждании Ҷумҳурии Тоҷикистон суд ҳал кард:
… Қарори комиссияи қонунигардонии молу мулки шаҳри Панҷакент таҳти рақами 38 аз 20.06.2009 ва шаҳодатномаи қонунигардонии молу мулк таҳти рақами 3619 аз 20-уми июни соли 2009, ки ба Азизов Муродилло ба манзили истиқоматии воқеъ дар деҳаи Заврони ҷамоати деҳоти Лоиқ Шералӣ дода шудааст, дар қисми қитъаи замин ба масоҳати 4107,54 метри мураббаъ бекор карда шавад.
Даъвои Раҳимов Абдухолиқ бо ҷавобгарии Азизов Муродилло, Мирзоев Исмат, Раҳмонов Турабой, ҷамоати деҳоти Шинг, Кумитаи заминсозии шаҳри Панҷакент, Хоҷагии деҳқонии «Ҳақиқат»-и ҷамоати деҳоти Шинг, Мақомоти иҷроияи ҳокимияти давлатии шаҳри Панҷакент дар қисми бартараф намудани монеа ва барқарор намудани ҳуқуқи истифодабарии замин қонеъ карда шавад.
Ҳуқуқҳои истифодаи замин ба Раҳимов А. барқарор карда шуда, ҷавобгарон Азизов Муродилло, Мирзоев Исмат ва Раҳмонов Турабой ӯҳдадор карда шаванд, ки барои истифодабарии 2,20 га замини корами хоҷагии дехқонии «Саховат-2» воқеъ дар мавзеи Заврони ҷамоати деҳоти Шинги ноҳияи Панҷакент, ки ба Раҳимов Абдухолиқ тааллуқ дорад, монеагарӣ эҷод накунанд».
Бо вуҷуди баромадани ҳалномаи суд ҷавобгарон заминҳои хоҷагиро барнагардонида, ғайриқонунӣ истифода бурда истодаанд ва бо аъзои хоҷагии деҳқонии «Саховат-2», ки соҳиби асосии замин мебошанд, ҷангу ҷанҷол бардошта, барои истифода монеагарӣ мекунанд.
Агар масъулон дар шаҳри Панҷакент аз як гиребон сар мебароварданд, муаммо кайҳо ҳал мешуд, аммо дар инҷо баъзе шахсони масъул бетарафанд ё гунаҳгоранд, чунки ҷавобгаронро пинҳонӣ тарафдорӣ мекунанд. Ҳол он ки, тарафдории ҷавобгарон - ин поймолкунии қонун, беҳурматӣ нисбати давлату ватан ва иҷро накардани қарори ҳукумати шаҳри Панҷакент мебошад.
Мо, аъзои хоҷагии деҳқонии «Саховат-2», ки 80 нафар мебошем, пешакӣ ба масъулон барои чораандешиашон миннатдории худро баён мекунем.

Бо эҳтиром, Ғаффоров Ҳусейн, Раҳимов Абдухолиқ, Қараев Шодибой, Ғайбуллоев Абдулло, Қурбонова Раҷабмо, Раҳимова Назира, Саидов Насрулло, Шамсиев Абдуазиз, Бекназарова Ҳокима, Холова Муҳаббат, Раҳимов Абдукарим ва дигарон 

Хонданд 1579
  •  << 
  •  < 
  •  10 
  •  > 
  •  >> 

Хабари-рӯз

Минбари сардабир

  • ДАВоДАВ

    Масофаи роҳ бо машинае, ки 150 ҳазор доллар нарх дорад…

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.