.

Alternative flash content

Requirements

Get Adobe Flash player

Материалы отфильтрованы по дате: Чоршанбе, 22 Август 2018 - || ФАРАЖ

Раёсати ВКД дар шаҳри Душанбе аз боздошти ронандае хабар дод, ки дар роҳҳои пойтахт ба кирдорҳои ғайриахлоқӣ роҳ дода, пиёдагардонро таҳқиру дашном мекард.

17 август як гуруҳ корбарони шабакаи иҷтимоии Фейсбук бо ирсоли наворе аз Раёсати ВКД дар шаҳри Душанбе хоҳиш намуданд, ки мақомоти милитсияи пойтахт ронандаи автомашинаи тамғаи номаълумро, ки ҳамчун таксӣ фаъолият менамояд, муайян намуда, нисбати кирдорҳои ғайриахлоқии ронанда, ҷавони тахминан 25-30-сола баҳои ҳуқуқӣ дода шавад.

Гуфта мешуд, ки ронандаи автомашинаи мазкур зимни фаъолияти ғайриқонунии мусофиркашонӣ пайваста ба дашному ҳақорат ва таҳқири дигар иштирокчиёни ҳаракат дар роҳ даст зада, шаъну шараф ва дигар ҳуқуқҳои фитрии шаҳрвандонро поймол мекардааст.

Бо супориши бевоситаи сардори Раёсати ВКД дар шаҳри Душанбе генерал-майори милитсия Назарзода Ш.Р. баҳри муайян ва боздошт намудани ронандаи бадахлоқ чораҷӯӣ карда шуда, баъди як рӯзи ирсоли муроҷиати шаҳрвандон, шахсияти ронандаи автомшаинаи мазкурро муайян ва автомашинаи мазкур ба мақомоти милитсия дастрас гардид.

Муайян гардидааст, ки ронандаи бадахлоқ шаҳрванд Файзуллозода Лутфуллои Муртазо, соли таваллудаш 1992 буда, соҳибмулки автомшаинаи тамғаи «Опел-Астра», аломати қайди давлатиаш 0203АК08, сокини шаҳри Ваҳдат, деҳаи Қирғизон мебошад. Номбурда ба таври ғайриқонунӣ, бе гирифтани иҷозатномаҳои дахлдори мақомоти ваколатдори давлатӣ, ҳамчун таксии кироякаш дар хатсайри ғайрирасмии рақами 3, фаъолият намуда, зимни кашонидани одамон ба дашному ҳақорат ва таҳқири шаҳрвандони дигар даст мезадааст. Тавре аз навор бармеояд, номбурда ҳангоми идораи автомашина ва ҳаракат дар хиёбони Рӯдакӣ, ба ҷавонзани тахминан 25-30-сола, ки тариқи роҳи пиёдагардон ҳаракат менамуд, муроҷиат карда, бо алфози қабеҳ ӯро таҳқиру дашном мекунад. Баъди ба мақомоти милитсия дастрас намудани ронандаи бадахлоқ номбурда пурра ба кирдорҳои ғайриахлоқиаш иқрор гардидааст. Дар натиҷа нисбати ҳуқувайронкунанда бо дастрасии моддаи 460 Кодекси ҳуқуқвайронкунии маъмурии Ҷумҳурии Тоҷикистон (майдаавбошӣ) парвандаи маъмурӣ тартиб дода шуда, барои баррасӣ ба Суди ноҳияи Исмоили Сомонии шаҳри Душанбе ирсол карда шуд. Дар навбати худ санаи 20 август бо ҳукми Суди ноҳияи Исмоили Сомонӣ барои кирдори майдаавбошӣ нисбати ҳуқуқвайронкунанда Файзуллозода Лутфуллои Муртазо ҷазо дар намуди ҳабси маъмурӣ ба муҳлати 10 шабонарӯз таъин карда шудааст.

Илова бар ин нисбати ронандаи автомашинаи мазкур шаҳрванд Лутфулло Файзуллозода барои бе гирифтани иҷозатномаи мақомоти ваколатдори давлатӣ ба мусофиркашонӣ машғул гардидан нисбати охирон бо дастрасии моддаи 510 Кодекси ҳуқуқвайронкунии маъмурии Ҷумҳурии Тоҷикистон низ протоколи маъмурӣ тартиб дода шуда, барои чоруҷӯӣ ба суд ирсол карда мешавад.

Тибқи муқаррароти моддаи мазкур ҷазо дар намуди ҷарима ба андозаи аз 500 то 1000 сомонӣ ронандаро таҳдид мекунад.

Шумо дар Слайд

20-уми август дар доираи Бозиҳои Осиё-2018 дар шаҳрҳои Ҷакарта ва Палембанги Индонезия мусобиқаҳо оид ба гимнастика, бадминтон, баскетбол, волейболи соҳилӣ, велосипедронӣ, аспсаворӣ, шамшербозӣ, футбол, ҳандбол, чавгонбозӣ, кабадди, парашутсаворӣ, қайиқронии академӣ, сепак такрав, тирандозӣ, софтбол, шиноварӣ, таэквондо, теннис, волейбол, тӯббозӣ дар об, вазнбардорӣ, гуштӣ ва ушу доир гардиданд.

Аз Кумитаи миллии олимпии кишвар хабар доданд, ки варзишгарони мо дар намудҳои варзиши футболи бонувон, тирандозӣ, шиноварӣ, таэквондо ва гуштӣ иштирок карданд, аммо аз медалҳо бенасиб монданд.

Дастаи футболи бонувони кишвар ин навбат бо дастаи Чин карда, боз ҳам бо ҳисоби 0:16 шикаст хурд. Бозии якумро футболбоздухтарони кишвари мо бо ҳамин ҳисоб ба даста Кореяи Шимолӣ бохта буданд.

Дар намуди тирандозӣ аз туфанг ба масофаи 10 метр Тоҷиддин Валиев миёни мардон ва Малика Лагутенко миёни бонувон рақобат карданд. Тоҷиддин дар байни 44 нафар ҷои 34-ум ва Малика миёни 60 нафар ҷои 41-умро ишғол карданд.

Дар шиноварӣ варзишгарони мо Тюрина Анастасия ва Климик Карина дар масофаи 50 метри баттерфлай миёни бонувон дар гурӯҳҳои худ ҷойи 7-умро ишғол карданд. Анастасия, ҳамчунин, дар масофаи 100 метр ба таври озод дар гурӯҳи худ охирин шуда ба марра расид ва аз идомаи рақобатҳо маҳрум гашт. Миёни мардон Рамзиёр Хоркашов дар масофаи 50 метр ба таври пуштнокӣ (backstroke) дар гурӯҳи худ аз ҳама охир ба марра расид.

Дар намуди таэквондо Маҳмадҷон Суннатов дар вазни -58 кг ба майдон баромад. Ӯ дар даври 32-ниҳоӣ бар варзишгари Камбоҷа ғалаба кард, вале дар даври 16-ниҳоӣ аз варзишгари Эрон шикаст хӯрд.

Дар гуштии озод Фарҳод Анақулов дар вазни 125 кг дар рақобати аввал аз намояндаи Муғулистон мағлуб гардид.

Шумо дар Хабари рӯз
Чоршанбе, 22 Август 2018 09:16

Ноболиғ дар садама ҷон дод

Ноӯҳдабароии ронандаҳо ва беэҳтиётии пиёдагардон боис мешавад, ки дар садамаҳо одамон талаф ёбанд. Дар садамаҳои рӯзҳои охир ду нафар ҷон додаанд, ки яке кӯдаки ноболиғ ва дигаре марди баркамол будааст. Дар ин бора маркази матбуоти ВКД ҶТ хабар дод.

20-уми август, тахминан соати 11:10, ронандаи автомашинаи тамғаи “Опел-Астра” Шарифов Маҳмадулло Раҳматуллоевич, соли таваллудаш 1982, сокини деҳаи Тиговуни ноҳияи Ховалинг, ҳангоми ҳаракат дар роҳи автомобилгарди Ховалинг-Восеъ дар ҳудуди ҷамоати деҳоти Лоҳутӣ аз ӯҳдаи идораи воситаи нақлиёт набаромада, пиёдагарди хурдсол Сорбони Насимҷон, соли таваллудаш 2008, хонандаи синфи 3-юмро, ки аз тарафи чап ба тарафи рости роҳ мегузашт, зер кардааст. Дар натиҷа, пиёдагарди хурдсол ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст.

21-уми август, тахминан соати 13:50, ронандаи автомашинаи тамғаи “Чанху” Хоркашов Суҳроб Мамадатоевич, соли таваллудаш 1987, сокини ноҳияи Роштқалъа, ҳангоми ҳаракат аз самти деҳаи Трайд ба самти маркази ноҳияи Роштқалъа, аз ӯҳдаи идораи воситаи нақлиёт набаромада, автомашинаро ба дарёи “Шоҳдара” чаппа кардааст.

Дар натиҷа, мусофири автомашинаи мазкур Хоркашов Гулҷон Сабдавлатович, соли таваллудаш 1967, сокини деҳаи Трайд, ғарқ шуда ба ҳалокат расидааст.

Аз рӯи ин ҳодисаҳо таҳқиқот идома дорад.

Шумо дар Хабари рӯз

Имрӯз дар ҷумҳурӣ ҳарорати рӯзонаи ҳаво нисбат ба рӯзҳои қаблӣ паст гашта, дар бештари ноҳияҳо то ба 30-34 дараҷа мерасад. Чангу ғубор дар вилоятҳои Суғду Хатлон, ноҳияҳои тобеи марказ ва Душанбе боқӣ мемонад, хабар медиҳад Агентии обуҳавошиносии Тоҷикистон

Имрӯз дар вилояти Суғд ҳаво қисман абрноки тағйирёбанда шуда, боридани борон ва раъду барқ дар назар аст.  Шамол аз самти ғарб 3-8 ва дар баъзе ҷойҳо то 10-15 метр дар як сония мевазад. Дар водиҳо шабона +13+18 ва рӯзона +28+33 дараҷа гарм мешавад.

Дар Вилояти Мухтори Кӯҳистони Бадахшон ҳавои камабри тағйирёбанда шуда, дар базе ҷойҳо чангу ғубор ба амал меояд. Дар ғарби вилоят шабона 10+15, рӯзона 25-30 ва дар шарқи  ин вилоят   шабона  3+8 ва рӯзона +12+17 дараҷа гарм мешавад.

Дар вилояти Хатлон  ҳаво тағйирёбандаи камабр пешгӯӣ шуда, чангу ғубор боқӣ мемонад.  Шамол аз самти ғарб 3-8 метр дар як сония мевазад. Ҳаво дар водиҳо шабона +18+23 ва рӯзона +30 + 35 дараҷа гарм хоҳад шуд.

Дар шаҳру ноҳияҳои тобеи марказ ҳаво тағйирёбандаи камабр гашта, дар ноҳияҳои кӯҳӣ боридани борон ва раъду барқ пешбинӣ мешавад. Шабона +13 +18 ва рӯзона +29+34 дараҷа гарм мешавад.

Имрӯз дар шаҳри Душанбе ҳаво камабри бебориш пешгӯӣ карда шуда, чангу ғубор боқӣ мемонад. Шабона +16+18 ва рӯзона +32+34 дараҷа гарм мешавад.

Шумо дар Хабари рӯз
  •  << 
  •  < 
  •  2 
  •  > 
  •  >> 
саҳ 2 аз 2

Хабари рӯз

Календар

« Август 2018 »
Пн Вт Ср Чт Пт Сб Вс
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Минбари сардабир

  • симКАРта

    Дар ҳафтае, ки гузашт, дар шабакаҳои иҷтимоӣ ин калима аз…

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.