.

Alternative flash content

Requirements

Get Adobe Flash player

Материалы отфильтрованы по дате: Душанбе, 12 Ноябр 2018 - || ФАРАЖ

Дар Боғи фарҳангу фароғатии Фирдавсии шаҳри Душанбе бахшида ба “Соли рушди сайёҳӣ ва ҳунарҳои мардумӣ” Фестивали “Оши палав” баргузор гардид.

Чорабинии мазкур бо ташаббуси Мақомоти иҷроияи ҳокимияти давлатии шаҳри Душанбе баргузор гардида, дар он зиёда аз 200 нафар ошпази беҳтарин аз гӯшаву канори мамлакат ҷамъ омада, маҳорати таббоҳии худро пешниҳоди сокинон ва меҳмонони пойтахт намуданд.

Як ошпаз аз ноҳияи Исмоили Сомонӣ дар суҳбат бо мо чунин гуфт: “Имрӯз мо ду намуд ошро пешкаши сокинон кардем. Як намуди оши мо бо биринҷи маҳаллӣ буда, дигар намудаш бо биринҷи афғонӣ тайёр карда шудааст. Дар фестивал  ҳамагӣ то 8 тонна ош тайёр кардем, ки он 400 дегро ташкил дода, 200 дег аз шаҳри Душанбе ва 200 деги дигараш аз ноҳияҳо мебошад. Ман худ 40 кг оши палавро имрӯз тайёр намудам. Ҳоло ош тайёр аст ва ман омода ҳастам, ки онро пешкаши шаҳрвандон ва меҳмонони пойтахт кунам”.

Ҳамчунин, дар доираи баргузории фестивали мазкур баҳри хушҳолии иштирокдорон барномаи консертӣ ва намоиши ҳунарҳои мардумӣ ташкил карда шуд.

Мақсад аз баргузории Фестивал муаррифии фарҳанги дастурхондорӣ, тарғибу ташвиқи ҳунари ошпазӣ, ҳифзи арзишҳои миллӣ ва арҷгузорӣ ба мероси фарҳангии халқи тоҷик дар доираи таҷлили “Соли рушди сайёҳӣ ва ҳунарҳои мардумӣ” буд.

Ошпази тарабхонаи “Роҳат” Холов Афзалшоҳ барои сокинон ва меҳмонони пойтахт  палави тоҷикиро омода намудааст.

Ошпаз аз ноҳияиСино, ки худро Маҳмадулло муаррифӣ намуд, зикр кард, ки 17 кг ошро аз равғани пахтаву зағер омода кардааст. “Ман қариб 27 сол мешавад, ки ошпазӣ мекунам. Имрӯз якҷоя бо раиси ноҳия ба ҳамаи шаҳрвандон ва меҳмонони пойтахт оши палав пешкаш кардем”.

Ошпази бозори Меҳргон Ҳабибулло Юлдошов қайд кард, ки барои пухтани оши палав мувофиқи табъ ва хоҳиш ба он нахӯд, зира, заъфарон, сирпиёз, биҳӣ, мурч, зелол, лиму ва дигар давоҳои хуштамъкунанда илова карда мешаванд. “Ин фестивал имконият медиҳад, ки мо ошпазон маҳорату истеъдоди худро ба сокинону меҳмонон нишон диҳем. Ман низ бо чунин мақсад дар ин фестивал иштирок карам”, - гуфт ӯ.

Баргузории  Фестивали  «Оши палав» дар  густариши фарҳанги миллӣ, аз ҷумла фарҳанги ғизопазӣ мусоидат мекунад.

Нигора Саидбекова

Фарзона Камолова

Шумо дар Хабари-рӯз

Дар маркази ноҳияи Вахш назди биноҳои истиқоматӣ партовгоҳҳои зиёде мавҷуданд, ки ба гуфти сокинони ноҳия моҳҳо тоза карда намешаванд ва аз буйи ғализи онҳо нафас кашидан душвор аст.

Ин ҳолатро рузи 8-ноябри соли 2018, зимни як сафари корӣ, дар маркази маъмурии ноҳияи Вахш мушоҳида ва аксбардори кардем.

Партовҳое, ки дар маркази ноҳияи Вахш мавҷуданд,  гирду аторофашон маҳкам набуда, қутиҳои партов  дар онҳо дида намешаванд. 

Ин ҳолат боиси сар задани ҳар гуна бемориҳои сироятӣ мегардад, зеро кӯдакони биноҳои баландошиён ҳамаруза дар назди чунин ғарави партов ба бозӣ мағуланд.

Барои огаҳӣ пайдо кардан, ки чаро ин партовгоҳҳо тоза намешаванд, ба корхонаи манзилию коммуналии ноҳияи Вахш роҳсипор шудем, аммо роҳбари ин корхонаро дар утоқи кориаш пайдо кардан натавонистем.

Пас аз тамосҳои бешумори тилфонӣ ӯро дар кӯча пайдо кардем ва ӯ гуфт, дар ихтиёри корхонааш 16 нуқтаи партов мавҷуд аст, ки онҳо ба навбат тоза карда мешаванд.

Барои рӯшанӣ андохтан ба мавзӯъ ба назди сардори маркази назорати давлатии санитарию эпидемиологии ноҳия низ рафтем ва ӯро низ дар ҷойи кораш наёфем. Роҳбари ин марказ дар тамоси тилфонӣ гуфт, ки  нигоҳубини партовгоҳҳо ба зимаи онҳо нест.

Барои рафъи мушкилии ҷойдошта ва тоза намудани партовҳо масъулини идораҳои дахлдорро зарур аст, ки саривақт ҷораҷӯӣ намоянд,  зеро саломатии инсон аз ҳама ҷизи гаронарзиш аст.

Раҳмоналӣ Додархӯҷаев

Шумо дар Слайд

Форуми Париж оид ба масъалаҳои сулҳ, ки рӯзи 11-уми ноябр оғоз ёфт, имрӯз ва фардо низ идома хоҳад кард.

Дар маросими ифтитоҳи нишасти мазкур бо иштироки сарони давлатҳо ва ҳукуматҳо, роҳбарони созмонҳои байналмилалӣ ва намояндагони воломақоми 85 кишвари дунё, ноиби президенти Шӯрои тадорукоти Форуми Париж оид ба масъалаҳои сулҳ Триша Шетти, президенти Фаронса Эммануэл Макрон, канслери Олмон Ангела Меркел ва дабири кулли Созмони Милали Муттаҳид Антониу Гутериш суханронӣ намуданд.

Дар он иштирокдорон масъалаҳои марбут ба мудирияти глобалӣ, аз ҷумла амният ва сулҳ, муҳити зист, рушди устувор, технологияҳои нав ва иқтисоди инклюзивиро мавриди муҳокима қарор медиҳанд.

Тавре қаблан иттилоъ додем, дар ин нишаст ҷониби Тоҷикистонро ҳайати расмӣ бо роҳбарии раиси МНМО Шукурҷон Зуҳуров муаррифӣ мекунад.

Дирӯз, пас аз анҷоми суханрониҳои сарони давлатҳо ва ҳукуматҳо дар ҷаласаи пленарии Форум, Шукурҷон Зуҳуров китоб таҳти унвони “Меъмори сулҳ”-ро (ба забонҳои англисӣ ва фаронсавӣ) доир ба нақши таърихии Эмомалӣ Раҳмон дар қатъи ҷанги шаҳрвандӣ ва барқарорсозии сулҳу субот ва шукуфоӣ дар Тоҷикистон муаррифӣ намуда, онро ба китобхонаи “Сул”-и Париж тақдим карданд.

Шумо дар Хабари-рӯз

Дар доираи маъракаи иттилоотии «70 рӯз то 70-умин солгарди Эъломияи умумии ҳуқуқи башар», Идораи Комиссари Олии СММ оид ба ҳуқуқи инсон дар Осиёи Марказӣ дар якҷоягӣ бо Институти инъикоси ҷанг ва сулҳ (IWPR) дар Осиёи Марказӣ озмуни “Беҳтарин инъикосгари масоили ҳуқуқи инсон дар осиёи марказӣ”-ро эълон мекунад.

Мақсади озмун ин, мусоидат ба риоя ва эҳтироми ҳуқуқу озодиҳои инсон дар Осиёи Марказӣ мебошад.

Вазифаҳои озмун:

- беҳтар намудани инъикоси масъалаҳои марбут ба поймолкунии ҳуқуқи инсон;

- баланд бардоштани донишҳои ҳуқуқии аҳолии кишварҳои Осиёи Марказӣ;

- баландбардории огаҳмандии аҳолӣ дар самти ҳимояи ҳуқуқи инсон;

дастгирӣ ва рушди касбият рӯзноманигорон дар ин самт;

Муаллифони штативу ғайриштатии матбуот, радио ва расонаҳои онлайнии Ҷумҳурии Қазоқистон, Қирғистон, Тоҷикистон ва Ӯзбекистон метавонанд, дар озмун ширкат намоянд.

Забони матолиби озмун –қазоқӣ, қирғизӣ, тоҷикӣ, узбекӣ ва русӣ.

Мӯҳлати охирини қабули матлаб на дертар аз 30-юми ноябри соли 2018 соати 17:00 (GMT+6),  мебошад:

Ҷоизаҳо ба таври зерин тақдим мешаванд:

Ҷойи аввал –ноутбук

Ҷойи дуюм – ноутбук

Ҷойи сеюм – телефони мобилӣ

Дар доираи Озмун инчунин ҷоизаҳои вижа дар бахшҳои зерин пешбинӣ шудаанд:

1. Инъикоси масоили занон ва кӯдакон

2. Инъикоси масоили марбут ба шиканҷа, латукӯб, боздоштҳои ғайриқонунӣ

3. Инъикоси масоили марбут ба озодии баён ва озодии матбуот

4. Баррасии масъалаҳои марбут ба озодии ақида, виҷдон ва озодиҳои динӣ

Тӯҳфаҳои вижаи лоиҳа- телефони мобилӣ

Матлабҳои пешниҳодшуда аз ҷониби аъзоёни мустақили ҳакамон тибқи меъёрҳои зерин баҳогузорӣ мешаванд:

Ғайрмаъмулӣ: пешниҳоди ғайриоддии мазмун ва шаклҳои мавзӯъ пазируфта мешаванд;

Хушбаёнӣ: муаллифони матлабҳои озмун бояд ба таври ҳирфаӣ аз дастгоҳҳо ва имкониятҳои ВАО истифода кунанд;

Натиҷа: матлаб чӣ гуна вокуниши мардумӣ ба вуҷуд овард, ин матлаб барои ба таври оммавӣ матраҳ гардидани ин мушкилот мусоидат кард ё на;

Аҳамият: мавзӯъ ва мазмуни матлабҳои озмун бояд ҳолатҳои мушаххасро дар самти ҳимояи ҳуқуқи инсон дар Осиёи Марказиро инъикос карда, мушкилоти мавҷударо боз намуда, роҳҳои ҳалро пешниҳод намоянд;

Раванди таҳлилӣ: матлабҳое, ки робитаҳои поймолшавии ҳуқуқи инсонро бо рӯйдодҳои муҳимтарини иҷтимоӣ, сиёсӣ, иқтисодӣ ва фарҳангӣ дар кишварҳои минтақа ошкор ва нишон медиҳанд, хуб пазируфта мешаванд;

Дастрасӣ: матлабҳои озмун бояд бо шеваи сода ва забони фаҳмо барои хонандагон пешниҳод шаванд;

Дақиқбаёнӣ: дар маводҳои озмун, рақамҳо, далелҳо ва маълумоти дигар бояд ба воқеият мувофиқ бошад;

Беғаразӣ: матлабҳои озмун бояд бо тавозун ва бетараф бошанд;

Ба ҳайати ҳакамони озмун намояндагони созмонҳои дифоъ аз ҳуқуқи инсон, коршиносон дар бахши ВАО ва рӯзноманигорон аз Осиёи Марказӣ ворид хоҳанд шуд.

Шарти иштирок:

Матолибҳое дар ин озмун қабул мегарданд, ки аз 1-уми январи соли 2018 то 30-уми ноябри соли 2018 мунташир шуда бошанд.

Дар ин озмун муаллиф ва ҳаммуаллифон метавонанд, танҳо як маводро пешниҳод намоянд.

Агар маводи пешниҳод гардида аз тарафи чанд нафар муаллиф омода шуда бошад, дигар муаллифон бояд дар ҷараён бошанд. Дар сурати рух додани нофаҳмиҳо миёни муаллифон, ташаббускорони озмун ҷавобгарӣ нахоҳанд дошт.

Матлабҳои пешниҳод шуда, баррасӣ ва баргардонида намешаванд.

Ташаббускорони озмун ҳақ доранд, ки минбаъд низ аз матлабҳои пешниҳодшудаи озмун истифода кунанд.

Дар  озмун матлабҳои илмӣ, таҳлилӣ, гузориш аз семинарҳо, давраҳои омӯзишӣ, конфронсҳо ва мизҳои гирд қабул карда намешаванд.

Иштирок дар озмун озод ва ройгон аст. Синну соли иштироккунандагон маҳдуд нест.

Матлабҳои озмун бояд дар шакли электронӣ ба ин нишонӣ (https://docs.google.com/forms/d/e/1FAIpQLSdC31sqpa6yRg_n7bS_9vIiHGXvrmM9AiadEdbfwwV66l4EqQ/viewform) пешниҳод карда шаванд. Тамоми матлаби озмун бояд бо тасдиқи нашр, (нусхаи ҳафтанома, маҷалла, сабти ТВ/радио) пешниҳод гарданд. Матлабҳои наворӣ (аудио/видео) бояд дар интернет ҳифз ва дастрас бошанд, то аз онҷо имкони гӯш додан ва ё боргирӣ кардан вуҷуд дошта бошад. Ҳамчунин, нишониҳои ин гуна матолиб бояд дақиқ ба почтаи электронӣ фиристода шаванд.

Натиҷаҳои озмун на дертар аз 10-уми декабри соли 2018 эълон мешавад.

Маросими ҷоизасупорӣ дар ҳар як кишвари Осиёи Маркази дар Дафтари Комиссари Олии СММ оид ба ҳуқуқи инсон, бахшида ба Рӯзи байналмилалии ҳуқуқи инсон баргузор хоҳад гашт.

Созмондиҳандагони озмун ҳуқуқ доранд, то хазинаи ҷоизавиро вобаста ба теъдод ва сифати матлабҳои воридшуда истифода кунанд. Дар сурати зарурати сарфа маблағҳои сарфшуда барои тӯҳфаҳои таблиғотӣ харҷ карда мешаванд.

Маълумоти иловагиро аз сомонаи www.cabar.asia.  дастрас намоед. 

Дар ҳолати пайдо шудани саволҳои дигар Шумо метавонед, ба намояндагии Институти инъикоси ҷанг ва сулҳ дар Осиёи Марказӣ ба почтаи электронии Этот адрес электронной почты защищен от спам-ботов. У вас должен быть включен JavaScript для просмотра. ва ё ба телефони (+996 312) 312 995, 313 411 .муроҷиат намоед.

Шумо дар Хабари-рӯз
  •  << 
  •  < 
  •  1 
  •  > 
  •  >> 
саҳ 1 аз 3

Хабари-рӯз

Календар

« Ноябрь 2018 »
Пн Вт Ср Чт Пт Сб Вс
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Минбари сардабир

  • симКАРта

    Дар ҳафтае, ки гузашт, дар шабакаҳои иҷтимоӣ ин калима аз…

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.