.

Alternative flash content

Requirements

Get Adobe Flash player

Скачать шаблоны для Joomla бесплатно
Светлые Joomla шаблоны.

Минтақа

Шумо дар Минтақа

Бурҳониддин Халилов: Даҳҳо муассисаи тандурустӣ сохтем

Авг 26, 2017 Диданд: 391
Уникальная программа снижения веса от Фаберлик.
Новинки косметики фаберлик на faberllena.ru

Яке аз ноҳияҳои вилояти Хатлон, ки дар он сатҳи хизматрасонии соҳаи тандурустӣ ба дараҷаи хуб ба роҳ монда шудааст, ноҳияи Ёвон мебошад. Имрӯз дар ин ноҳия 96 муассисаи соҳаи тандурустӣ фаъолият доранд.
Сохтори госпиталии ноҳияи Ёвон дорои 740 кат буда, аз ин 620 кат ба беморхонаи марказии ноҳия, ки аз 22 шӯъба иборат мебошад, 80 кат ба беморхонаҳои рақамӣ ё минтақавӣ, 40 кат ба марказҳои махсусгардонидашуда, аз ҷумла ба маркази бемориҳои пӯсту зӯҳравӣ 15 кат, 25 кат ба маркази зидди бемориҳои сил ва маркази бемориҳои рӯҳӣ ва наркологӣ рост меояд. Дар ноҳия 25 маркази саломатии деҳот, 49 бунгоҳи саломатӣ, 7 нуқтаи тиббӣ ва маркази назорати санитарию эпидемиологӣ фаъолият мекунанд.
Аҳолии ноҳия 228 826 нафарро ташкил менамояд, ки ба онҳо 182 нафар духтурони маълумоти олидор, ки 80%-ашон дорои дараҷанокии тиббӣ мебошанд ва 831 нафар кормандонаи миёнаи тиб, ки 90%-ашон дорои дараҷанокии тиббиянд, хизмат мерасонанд.
Давоми нимсолаи аввали соли 2017 ба 11308 нафар бемор ба маблағи 348 569 сомонӣ хизмати ройгони тиббӣ расонида шудааст. Дар ноҳия 2035 маъюбон зиндагӣ мекунанд, ки аз ин кӯдакони то 18-сола 470 нафар мебошанд ва давоми нимсолаи соли ҷорӣ 57 нафар солим гардонида шудаанд. Дар ноҳия 10 нафар иштирокчиёни Ҷанги Бузурги Ватанӣ ва 9 нафар иштирокчиёни садамаи Чернобил зиндагӣ мекунанд, ки ҳамаи онҳо аз хизмати хуби тиббӣ бархӯрдор мебошанд.
Бо мақсади пешгирӣ ва табобати саривақтии беморон бо ташаббуси МИҲД-и ноҳия дар чор ҷамоати деҳот корвони саломатӣ гузаронида шуд, ки дар ҷараёни он ба маблағи 4000 сомонӣ доруворӣ тақсим карда шуда, 12 нафар беморони ниёзманд ба таври ройгон ҷарроҳӣ карда шуданд. Дар моҳи апрел бошад, аз тарафи Раёсати тандурустии вилоят корвони саломатӣ дар ҷамоати деҳоти Ҳаёти нав гузаронида шуд, ки ба 350 нафар беморон хизмати тиббии ройгон расонида шуда, ба 4 нафар беморони вазнин барои муолиҷа роҳхати ройгон дода шуд.
Бо дастгирии бевоситаи Пешвои муаззами миллат ва Ҳукумати Ҷумҳурии Тоҷикистон барои таъмири бинои комплекси нотамоми беморхонаи марказӣ маблағи 30 миллион сомонӣ ба нақша гирифта шуд, ки аллакай 6,2 миллион сомонӣ маблағ ҷудо карда шуд ва корҳои сохтмонӣ бо суръати тамом идома дорад. Бо дастгирии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар ноҳия 5 маркази саломатии деҳот бо маблағгузории Бонки умумиҷаҳонӣ ба нақша гирифта шудааст, ки барои харидории таҷҳизоти тиббӣ ва мошинҳои ёрии таъҷилӣ иловатан боз 400 ҳазор сомонӣ ҷудо карда шудааст.
Дар асоси супориши бевоситаи Президенти кишвар, мӯҳтарам Эмомалӣ Раҳмон ва бо дастгирии раиси ноҳияи Ёвон аз ҳисоби буҷаи маҳал ба маблағи 162 689 сомонӣ дастгоҳи ултрасадо харидорӣ карда шудааст. Ба ғайр аз ин, ба маблағи 50 ҳазор сомонӣ маркази солимии репродуктивӣ аз таъмири капиталӣ бароварда шудааст.
Давоми 7 моҳи аввали соли 2017 дар ноҳия 3645 навзод таваллуд шудаанд. Аз ин шумора 48 нафар навзод дар хона таваллуд шудаанд, ки ин 1,3%-и ҷамъи умумии навтаваллудшудагонро ташкил медиҳад. Дар соли 2016, бошад ин рақам 119 нафарро ташкил намуд, ки ин 2,9 %-ро ташкил медиҳад.
Аз рӯи суханони сартабиби беморхонаи марказӣ Халилов Бурҳониддин Ғуломович, «соҳаи тандурустии ноҳияи Ёвон дар даврони ҷанги шаҳрвандӣ басо хисороти сангин дида буд. Маҳз тавассути дастгирии бевоситаи Президенти кишвар, мӯҳтарам Эмомалӣ Раҳмон мо дар муддати басо кӯтоҳ системаи тандурустиро аз нав эҳё намуда, иловатан даҳҳо муассисаи тандурустӣ сохтем, ки барои дастгирии бевосита аз Пешвои муаззами миллат ва ҳукумати ноҳия басо миннатдорем».

Саиди ҲАЙДАР, МТЖТ

ШАРҲИ МО:
Халилов Бурҳониддин Ғуломович 17-уми майи соли 1965 дар ноҳияи Данғара таваллуд шудааст. Соли 1982 мактаби ба номи В. И. Ленини ноҳияро хатм намуда, то моҳи июни соли 1983 дар корхонаи сохтмонии №27-и ноҳияи Ёвон ҳамчун коргар кор кардааст. Соли 1983 ба Донишгоҳи тиббии Тоҷикистон дохил шуда, соли 1989 бо ихтисоси духтури муолиҷавӣ онро хатм намудааст. Солҳои 1989-90 барои гузаштани интернатура дар Беморхонаи марказии шаҳри Норак кор карда, солҳои 1990-91 дар шӯъбаи терапевтии Беморхонаи марказии ноҳияи Ёвон фаъолият намудааст. Соли 1992 курси шикастабандӣ ва ортопедиро хатм намуда, ҳамчун духтури шикастабанд дар Маркази саломатии ноҳияи Ёвон фаъолият намудааст. Дар вазифаҳои мудири шӯъбаи шикастабандии беморхонаи марказӣ, ҷонишини сардухтур оид ба ВКК, сардухтури беморхонаи марказӣ ва аз моҳи июли соли 2015 ба ҳайси сартабиби беморхонаи марказӣ фаъолияти корӣ дорад. Роҳбар ва оиладори намунавӣ, падари 3 фарзанд.

Тағйироти охир Шанбе, 26 Август 2017 13:36
Хонданд 391
Баҳо диқед
(0 )

ШУМО НАЗАР Ё ПАЁМЕ ДОРЕД

_______________________________________________

Хабари рӯз

Календар

« Сентябрь 2018 »
Пн Вт Ср Чт Пт Сб Вс
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Минбари сардабир

  • симКАРта

    Дар ҳафтае, ки гузашт, дар шабакаҳои иҷтимоӣ ин калима аз…

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.