.

Alternative flash content

Requirements

Get Adobe Flash player

Скачать шаблоны для Joomla бесплатно
Светлые Joomla шаблоны.

Минтақа

Шумо дар Минтақа

Панҷакент: Вазорати нақлиёт лоиҳаи кӯпруки Чилдухтаронро тасдиқ накард!?

Авг 26, 2017 Хонданд: 792
Уникальная программа снижения веса от Фаберлик.
Новинки косметики фаберлик на faberllena.ru

Моҳи июл сафаре ба диёри зебоманзари Панҷакент, аз ҷумла ба зодгоҳи оламушшуаро Абӯабдуллоҳи Рӯдакӣ, деҳаи Панҷрӯд доштам. Бо наздик шудан ба деҳаи Зери Ҳисор дар минтақае бо номи «Чилдухтарон» шоҳиди обкандае шудем, ки соли гузашта дар натиҷаи омадани сел кӯпруки он комилан хароб шуда, ба коми дарё рафта буд. Агарчи аз харобаҳои зиёде, ки соли гузашта дар ин мавзеъ ба амал омада буд, фақат ҷои ҳамин кӯпрук боқӣ монда буд, вале набудани кӯпрук ҳусни роҳро коста мекард. 

Бо гузаштан аз минтақаи мазкур тасмим гирифтам, ки барои муайян намудани сабабҳои то ҳол бунёд нашудани кӯпрук дар ин минтақа ба сардори Муассисаи давлатии нигоҳдории роҳҳои автомобили ноҳияи Панҷакент Фахриддин Мӯминов муроҷиат намоям. Эшон иброз доштанд, ки «то ба имрӯз аз тарафи Вазорати нақлиёти Ҷумҳурии Тоҷикистон барои бунёди кӯпруки «Чилдухтарон» маблағе ҷудо нашудааст. Бинобар ин, мо бо ташаббуси худ аз тарафи идораи роҳсозӣ баландтар аз ҷои кӯпрук қубур хобонида, сойро қумфарш кардем ва дар он бехатарӣ ва ҳаракати мунтазами нақлиётро таъмин намудем».
Бояд ёдовар шуд, ки ҳанӯз соли гузашта мо дар ҳафтаномаи «Фараж» мушкилоти мазкурро матраҳ намуда, навишта будем, ки сабаби асосии каме тӯл кашидани бунёди кӯпрук дар мавзеи «Чилдухтарон» дар он аст, ки аз Институти лоиҳакашӣ намоянда даъват карда шуда буд, то аз он дидан карда, бунёди кӯпрукеро дар ин мавзеъ ба нақша гирад. Намояндагони Институти лоиҳакашӣ ва меъмории назди Ҳукумати Ҷумҳурии Тоҷикистон ҳанӯз як сол пеш ба ин минтақа ташриф оварда, тасмим гирифта буданд, ки лоиҳаи кӯпруки сатҳи замонавиеро тартиб дода, ба Вазорати нақлиёт пешниҳод намоянд. Дар Институти лоиҳакашӣ ва меъмории назди Ҳукумати Ҷумҳурии Тоҷикистон ҳамон вақт дар сӯҳбат бо мухбири «Фараж» тасдиқ карда буданд, ки аз тарафи онҳо лоиҳаи кӯпруки 15-метра барои ин минтақа тартиб дода шуда, ба Вазорати нақлиёт пешниҳод шудааст ва дар сурати пуштибонӣ ёфтан, ҳатман сохта мешавад. Вале бадбахтона, инак дарёфтем, ки лоиҳаи мазкур аз тарафи Вазорати нақлиёт тасдиқ нашудааст ва алъон барои бунёди кӯпрук дар ин минтақа танҳо умед ба худи Муассисаи давлатии нигоҳдории роҳҳои автомобили ноҳияи Панҷакент, раисони ҷамоати Рӯдакӣ ва Ворӯ боқӣ мондааст.
Раиси ҷамоати Рӯдакӣ дар сӯҳбат бо мо тасдиқ кард, ки онҳо бо сардори Муассисаи давлатии нигоҳдории роҳҳои автомобили ноҳияи Панҷакент Фахриддин Мӯминов ба мувофиқа расидаанд ва дар бунёди пойгоҳҳои кӯпрук кӯмак хоҳанд кард. Дар сӯҳбат Фахриддин Мӯминов низ тасдиқ кард, ки «мо дар якҷоягӣ бо раисони ҷамоати Рӯдакӣ ва Ворӯ сохтани ин кӯпрукро ба зимма гирифтаем ва дар сурати бунёди пойгоҳҳои кӯпрук плитаҳои болои он аз тарафи идораи роҳсозӣ таъмин хоҳад шуд».
Бояд зикр кард, ки роҳи мазкур на танҳо аҳамияти маҳаллӣ, балки аҳамияти умумиҷумҳуриявӣ дошта, ҳар сол ҳазорҳо сайёҳон аз ин роҳ мегузаранд ва ба зиёрати зодгоҳи Абӯабдуллоҳи Рӯдакиву минтақаҳои сайёҳии Кӯли Калон, Кӯли Зиёрат, қаторкӯҳҳои Фон, Қуллаи Чимтарға ва даҳҳо мавзеъҳои дигар меоянд. Чаро лоиҳаи мазкурро Вазорати нақлиёт дастгирӣ накардааст ва чаро аз тарафи раиси вилояти Суғд дар бунёди ин кӯпрук ҳеҷ маблағгузорие сурат нагирифтааст, саволест беҷавоб.
Шоҳидон нақл мекунанд, ки аз аввали баҳори имсол низ борону сел роҳҳои зиёдеро вайрон карда, муассисаи роҳсозии шаҳри Панҷакент барои барқарор намудани он талошҳои зиёдеро анҷом додааст. Бахусус фаъолияти он дар деҳаи Амондара хеле хуб эҳсос мешаваду мардум дар сӯҳбат бо мо аз ин идора хеле миннатдорӣ карданд, вале оё бе маблағгузории бузург аз тарафи вилоят ва бе дастгирии Вазорати нақлиёт ҳамаи роҳҳоро барқарор намудан имконпазир аст? Ҳаргиз!
Бояд зикр кард, ки ноҳияи Панҷакент аз минтақаҳои дурдастест, ки таъмир ва азнавсозии роҳҳояш маблағгузориҳои зиёдеро талаб мекунанд ва бе дастгирии Ҳукумати ҷумҳурӣ дар ҳолати коршоям нигоҳ доштани роҳҳо басо мушкил аст. Вақте Вазорати нақлиёт ақаллан лоиҳаи кӯпруки хурдакакеро дастгирӣ намекунад, пас чӣ гуна умед ба маблағгузориҳои бузург кунем?

Холиқи МУҲАММАДНАЗАР,
Душанбе-Панҷакент-Душанбе

 

Тағйироти охир Шанбе, 26 Август 2017 13:06
Хонданд 792
Баҳо диҳед
(0 )

Медиа

ШУМО НАЗАР Ё ПАЁМЕ ДОРЕД

_______________________________________________

Хабари-рӯз

Календар

« Ноябрь 2018 »
Пн Вт Ср Чт Пт Сб Вс
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Минбари сардабир

  • симКАРта

    Дар ҳафтае, ки гузашт, дар шабакаҳои иҷтимоӣ ин калима аз…

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.